സ്‌പൈഡർമാനായി എത്തി സിനിമാ പ്രേമികളെ ഹരം കൊള്ളിച്ച ടോം ഹോളണ്ട് ഇന്ത്യയിലെത്തി. മുംബൈയിലെ സ്വകാര്യ വിമാനത്താവളത്തിൽ നടിയും കാമുകിയുമായ സെൻഡായയ്‌ക്ക് ഒപ്പമാണ് ടോം ഹോളണ്ട് വന്നിറങ്ങിയത്. ഇതിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലാണ്.
സിനിമയിൽ മാത്രമല്ല, ജീവിതത്തിലും പ്രണയജോഡികളായ ഇരുവരും നിത മുകേഷ് അംബാനി കൾച്ചറൽ സെൻട്രൽ ഉദ്ഘാടനത്തിന്റെ ഭാഗമാകാൻ എത്തിയതാണെന്നാണ് സൂചന. മുംബൈയിലാണ് ചടങ്ങ് നടക്കുന്നത്.
സ്‌പൈഡർമാൻ: നോ വേ ഹോം താരങ്ങളായ സെൻഡായയും ടോം ഹോളണ്ടും 2021 മുതലാണ് പ്രണയം പരസ്യമാക്കിയത്. 2016-ൽ പുറത്തിറങ്ങിയ സ്‌പൈഡർമാൻ ഹോം കമിങ്ങിലൂടെയാണ് ഇരുവരും കണ്ടുമുട്ടത്. തുടർന്ന് നോ വേ ഹോം റിലീസ് ചെയ്തതോടെ രണ്ട് പേരുടെയും പ്രകടനങ്ങൾ ഏറെ പ്രശംസ പിടിച്ചുപറ്റി.
