മലപ്പുറം : കരിപ്പൂരില് രണ്ടുകോടിയുടെ സ്വര്ണ വേട്ട. നാലുപേര് പിടിയില്. കരിപ്പൂര് വിമാനത്താവളം വഴി ശരീരത്തിനുള്ളിലും ഹാന്ഡ് ബാഗേജിനുള്ളിലും സോക്സിനുള്ളിലും ആയി ഒളിപ്പിച്ചു കടത്തുവാന് ശ്രമിച്ച ഏകദേശം 2 കോടി രൂപ വില മതിക്കുന്ന മൂന്നര കിലോഗ്രാമോളം സ്വര്ണം നാലു വ്യത്യസ്ത കേസുകളിലായാണ് കോഴിക്കോട് എയര് കസ്റ്റംസ് ഇന്റലിജന്സ് ഉദ്യോഗസ്ഥര് പിടികൂടിയത്.
എയര് ഇന്ത്യ എക്സ്പ്രസ്സ് വിമാനത്തില് ജിദ്ദയില്നിന്നും വന്ന യാത്രക്കാരായ മലപ്പുറം സ്വദേശിയായ റഹ്മാനില് (43) നിന്നും 1107 ഗ്രാം തൂക്കം വരുന്ന സ്വര്ണ്ണമിശ്രിതം അടങ്ങിയ നാലു ക്യാപ്സൂളുകളും മലപ്പുറം കരുളായി സ്വദേശിയായ മുഹമ്മദ് ഉവൈസില് (30) നിന്നും സ്വര്ണ്ണമിശ്രിതമടങ്ങിയ നാലു ക്യാപ്സൂളുകളുമാണ് ശരീരത്തിനുള്ളില് ഒളിപ്പിച്ചു കടത്തുവാന് ശ്രമിച്ചപ്പോള് കസ്റ്റംസ് ഉദ്യോഗസ്ഥര് പിടികൂടിയത്.
കൂടാതെ ഏകദേശം 1.40 കോടി രൂപ വില മതിക്കുന്ന 2.5 കിലോഗ്രാമോളം സ്വർണം മൂന്നു വ്യത്യസ്ത കേസുകളിലായി കോഴിക്കോട് എയർ കസ്റ്റംസ് ഇന്റലിജൻസ് ഉദ്യോഗസ്ഥർ കഴിഞ്ഞ ദിവസം പിടികൂടി. എയർ ഇന്ത്യ എക്സ്പ്രസ്സ് വിമാനത്തിൽ ദോഹയിൽനിന്നും വന്ന മലപ്പുറം വെറ്റിലപ്പാറ സ്വദേശിയായ നെല്ലിപ്പകുണ്ടൻ മുനീർ (38), കൂരാച്ചുണ്ട് സ്വദേശിയായ ഷാപ്പുള്ളപറമ്പിൽ മുഹമ്മദ് യൂനസിൽ (32 ), പാലക്കാട് സ്വദേശിയായ തയ്യിൽ സന്ദീപ് (27)എന്നിവരാണ് പിടിയിലായത്.
നെല്ലിപ്പകുണ്ടൻ മുനീറിൽ നിന്നും 1064 ഗ്രാം തൂക്കം വരുന്ന സ്വർണ്ണമിശ്രിതം അടങ്ങിയ 4 ക്യാപ്സ്യൂളുകൾ പിടികൂടി. മലദ്വാരത്തിൽ ഒളിപ്പിച്ചാണ് മുനീർ സ്വർണം കടത്താൻ ശ്രമിച്ചത്. ജിദ്ദയിൽ നിന്നും വന്ന കോഴിക്കോട് കൂരാച്ചുണ്ട് സ്വദേശിയായ ഷാപ്പുള്ളപറമ്പിൽ മുഹമ്മദ് യൂനസിൽ നിന്നും 1,123 ഗ്രാം സ്വർണ മിശ്രിതം അടങ്ങിയ 4 ക്യാപ്സ്യൂളുകളാണ് പിടിച്ചെടുത്തത്.
ഇയാളും ശരീരത്തിനുള്ളിൽ ഒളിപ്പിച്ചാണ് സ്വർണ്ണം കടത്താൻ ശ്രമിച്ചത്. ഈ സ്വർണ്ണമിശ്രിതത്തിൽ നിന്നും സ്വർണം വേർതിരിച്ചെടുത്ത ശേഷം യൂനസിന്റെയും മുനീറിന്റെയും അറസ്റ്റും മറ്റു തുടർ നടപടികളും സ്വീകരിക്കുന്നതാണ്.
യൂനസ് ഉംറ നിർവഹിച്ചു മടങ്ങി വരുമ്പോഴാണ് മലദ്വാരത്തിൽ സ്വർണം ഒളിപ്പിച്ച് കടത്തിയത്.യൂനസിന് രണ്ടാഴ്ചത്തെ ഉംറ പാക്കേജിന്റെ ചെലവായ ഏകദേശം ഒരു ലക്ഷം രൂപയാണ് നൽകിയിരുന്നത്.
Comments