ബാലതാരമായി വന്ന് മലയാളികളുടെ ഹൃദയത്തിൽ ഇടം നേടിയ കുട്ടികുറുമ്പിയാണ് അക്ഷര കിഷോർ. കറുത്ത മുത്ത് എന്ന സീരിയലിൽ ബാലമോൾ ആയിട്ടാണ് താരം പ്രത്യക്ഷപ്പെട്ടത്. ആറാമത്തെ വയസിലാണ് ബേബി അക്ഷര അഭിനയത്തിലേക്ക് കടന്നു വന്നത്. പിന്നീടങ്ങോട്ട് ബേബി അക്ഷരയ്‌ക്ക് നിരവധി അവസരങ്ങൾ കിട്ടി. മിനിസ്‌ക്രീനിൽ നിന്നും ബിഗ് സ്ക്രീനിലേക്ക് ചേക്കേറാൻ കഴിഞ്ഞു.
ഇതിനോടകം പതിനെട്ടോളം ചിത്രങ്ങളിൽ അക്ഷര അഭിനയിച്ചിട്ടുണ്ട്. 2014 ൽ ”മത്തായി കുഴപ്പക്കാരനല്ല” എന്ന ചിത്രത്തിലൂടെയാണ് അക്ഷര സിനിമ ലോകത്തേക്ക് ചുവടു വെച്ചത്. ആടുപുലിയാട്ടത്തിൽ ജയറാമിന്റെ മകളായി അഭിനയിച്ചു. ഹലോ നമസ്തേ , വേട്ട, കനൽ, ഡാർവിന്റെ പരിണാമം തുടങ്ങിയ സിനിമകളിൽ ബേബി അക്ഷര അഭിനയിച്ചു. സീരിയലിലെ അഭിനയത്തിലൂടെ പ്രേക്ഷകരുടെ ഇഷ്ട താരമായി മാറിയ അക്ഷര വിണ്ടും സമൂഹമാദ്ധ്യമങ്ങളിൽ ചർച്ചയാകുകയാണ്.
ഇപ്പോൾ ഈ കൊച്ചു മിടുക്കി വളർന്നു വലുതായിരിക്കുകയാണ്. അക്ഷരയുടെ ഈ മാറ്റം കണ്ട് ആരാധകർ ഞെട്ടിയിരിക്കുകയാണ്. അക്ഷരയുടെ പുതിയ ചിത്രങ്ങളെല്ലാം സമൂഹമാദ്ധ്യമങ്ങളിൽ വൈറലാണ്. തിരുവോണ ദിനത്തിൽ എടുത്ത ചിത്രങ്ങളും പുത്തൻ ചിത്രങ്ങളും സോഷ്യൽ മീഡിയയിൽ പങ്കുവെച്ചിട്ടുണ്ട്. ഇത്രയും ചെറുപ്പത്തിലേ ഡോക്ടർ ആകാനുള്ള മോഹവുമായാണ് അക്ഷര നടക്കുന്നത്. നിലവിൽ പഠനത്തിൽ ശ്രദ്ധിക്കുന്ന അക്ഷര അഭിനയത്തിൽ സജീവമല്ല.
കണ്ണൂർ സ്വദേശിയായ അക്ഷര ഇപ്പോൾ കുടുംബത്തോടൊപ്പം എറണാകുളം വെണ്ണലയിലാണ് താമസിക്കുന്നത്. ആർക്കിടെക്ടായ കിഷോറിന്റെയും, ബാങ്ക് ജീവനക്കാരി ഹേമപ്രഭയുടെയും മകളാണ് അക്ഷര കിഷോർ. സീരിയലിലേക്ക് എത്തും മുന്നേ ചില പരസ്യ ചിത്രങ്ങളിലും അക്ഷര അഭിനയിച്ചിട്ടുണ്ട്.
