ലോകത്തെ ഭീതിയുടെ മുൾമുനയിൽ നിർത്തിയ ഭൂകമ്പത്തിൽ തീരാനോവായി തീർന്നത് പിഞ്ചുകുഞ്ഞായിരുന്നു. കെട്ടിടാവശിഷ്ടങ്ങൾക്ക് ഇടയിൽ നിന്ന് 128 മണിക്കൂറുകൾക്ക് ശേഷം രക്ഷിച്ച കുഞ്ഞിന് അമ്മ നഷ്ടമായത് ഓർത്ത് കണ്ണ് നിറയാത്തവരായി ആരും കാണില്ല.
എന്നാൽ അതിജീവനത്തിന്റെ പര്യായമായ ആ കുഞ്ഞിന്റെ ജീവിതത്തിൽ 54 ദിവസങ്ങൾക്ക് ശേഷം പുതിയ മാറ്റം സംഭവിച്ചിരിക്കുകയാണ്. മറ്റൊന്നുമല്ല. അവന് അവന്റെ അമ്മയെ തിരികെ ലഭിച്ചിരിക്കുകയാണ്.
You probably remember this picture of the baby who spent 128 hours under rubble after an earthquake in Turkey. It was reported that the baby's mom died.
Turns out, the mom is alive! She was treated in a different hospital. After 54 days apart and a DNA test, they are together… pic.twitter.com/T7B0paUFxL
— Anton Gerashchenko (@Gerashchenko_en) April 2, 2023
അവന് ഇന്ന് അമ്മയുടെ കരങ്ങളിൽ സുരക്ഷിതനാണ്. ദുരന്തമുണ്ടായി 54 ദിവസത്തിന് ശേഷമാണ് രണ്ട് മാസം പ്രായമായ കുഞ്ഞ് അമ്മയുടെ അടുത്തെത്തിയത്. കുഞ്ഞിന്റെ അമ്മ മരണപ്പെട്ടിരുന്നുവെന്നാണ് കരുതിയിരുന്നത്. എന്നാൽ ഇവർ മറ്റൊരു ആശുപത്രിയിൽ ചികിത്സയിൽ കഴിയുകയായിരുന്നു. ഡിഎൻഎ പരിശോധന നടത്തിയാണ് യുവതി കുട്ടിയുടെ അമ്മയാണെന്ന് തിരിച്ചറിഞ്ഞത്. ആശുപത്രി അധികൃതരാണ് ഈ വിവരം പുറത്തുവിട്ടത്. നിരവധി പേരാണ് അമ്മയ്ക്കും കുഞ്ഞിനും ആശംസകൾ നേർന്നത്.
