ബെംഗളൂരു : പ്രശസ്ത കന്നട സിനിമ താരങ്ങളായ സുദീപ് (കിച്ച സുദീപ്) ദർശൻ തുഗുദീപ എന്നിവർ ബിജെപിയിലേക്ക്. കർണാടക നിയമസഭ തിരഞ്ഞെടുപ്പിന് മുന്നോടിയായാണ് പാർട്ടി പ്രവേശനം.
ബെംഗളൂരുവിലെ സ്വകാര്യ ഹോട്ടലിൽ വെച്ച് ഇന്ന് ഉച്ചയ്‌ക്ക് 1.30-നും 2.30-നും ഇടയിൽ പാർട്ടിയിൽ ചേരുമെന്നാണ് പാർട്ടി വൃത്തങ്ങൾ അറിയിച്ചിരിക്കുന്നത്. കർണാടക മുഖ്യമന്ത്രി ബസവരാജ് ബൊമ്മയുടെയും മറ്റ് നേതാക്കളുടെയും സാന്നിധ്യത്തിലാണ് ഇരുവരും പാർട്ടിയിൽ ചേരുക.
നടൻ എന്നതിലുപരി നിർമ്മാതാവ്, സംവിധായകൻ, തിരക്കഥകൃത്ത്, ടെലിവിഷൻ അവതാരകൻ, ഗായകൻ എന്നീ നിലകളിൽ പ്രധാനമായും വ്യക്തിമുദ്ര പതിപ്പിച്ച വ്യക്തിയാണ് സുദിപ് സഞ്ജീവ്. കന്നട സിനിമക്ക് പുറമേ ഹിന്ദി, തെലുങ്ക്, തമിഴ് സിനിമകളിലും കിച്ച പ്രവർത്തിച്ചിട്ടുണ്ട്. കന്നട സിനിമകളിൽ നടൻ, നിർമ്മാതാവ്, വിതരണക്കാരൻ എന്നീ നിലകളിൽ പ്രവർത്തിക്കുന്നയാളാണ് ദർശൻ തുഗുദീപ.
കർണാടക നിയമസഭാ തിരഞ്ഞെടുപ്പ് മെയ് 10-നാണ് നടക്കുക. വോട്ടെണ്ണൽ മെയ് 13-ന് നടക്കും.
