ന്യൂഡൽഹി:യോഗ ഇന്ത്യൻ പൈത്യകത്തിന്റെ ഏറ്റവും വലിയ അനുഗ്രഹമാണെന്നും പ്രധാനമന്ത്രി നരേന്ദ്ര മോദി യോഗയുടെ പ്രതാപത്തെ വീണ്ടെടുക്കുകയാണെന്നും ത്രിപുര മുഖ്യമന്ത്രി മാണിക് സാഹ. ലോകാരോഗ്യ ദിനത്തിന്റെ ഭാഗമായി ആയൂഷ് മന്ത്രാലയം അസമിലെ ദിബ്രുഗഡ് സർവകലാശാലയിൽ സംഘടിപ്പിച്ച യോഗ മഹോത്സവത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം.
യോഗ ഇന്ന് ലോകം മുഴുവൻ ആഘോഷമാക്കിമാറ്റുകയാണെന്നും യോഗയുടെ പ്രധാന്യം പ്രധാനമന്ത്രിയിലൂടെ വീണ്ടെടുത്തതായും സാഹ പറഞ്ഞു. ഒരു ഡോക്ടർ എന്ന നിലയിൽ യോഗയുടെ നേട്ടങ്ങൾ എനിക്ക് മനസ്സിലാകുന്നുവെന്നും യോഗ പരീശിലിക്കുകയാണെങ്കിൽ ആരോഗ്യ പൂർണമായ ഒരു നാളെയെ വരവേൽക്കാമെന്നും അദ്ദേഹം വ്യക്തമാക്കി.
ടാൻസാനിയ,ഉഗാണ്ട, കെനിയ,ടോഗോ,നൈജീരിയ,നേപ്പാൾ എന്നീവിടങ്ങളിൽ നിന്നുമുളള വിദ്യാർത്ഥികളും യോഗ പരീശിലനത്തിൽ പങ്കെടുത്തു. കേന്ദ്രമന്ത്രി സർബാനന്ദ സോനോവാൾ,അരുണചാൽ പ്രദേശ് ഉപമുഖ്യമന്ത്രി ചൗന മെയിൻ തുടങ്ങിയ പ്രമുഖർ പരിപാടിയിൽ പങ്കെടുത്തു.
