തിരുവനന്തപുരം: സംസ്ഥാനത്തെ കൊറോണ കേസുകൾ പുറത്തുവിടാതെ ആരോഗ്യ വകുപ്പ്. പ്രതിദിന കണക്കുകൾ ആയിരം കടന്നിരിക്കുന്ന സാഹചര്യത്തിലാണ് ആരോഗ്യ വകുപ്പ് ഈ നിലപാട് സ്വീകരിച്ചിരിക്കുന്നത്. ഇപ്പോൾ സംയോജിത രോഗനിരീക്ഷണ പരിപാടി സൈറ്റിൽ നിന്ന് പ്രതിദിന കൊറോണ കണക്കുകൾ പ്രസിദ്ധീകരിക്കുന്നത് നിർത്തി വെച്ചിരിക്കുകയാണ്.
നിലവിൽ കേന്ദ്ര സർക്കാരിന്റെ കൊറോണ പോർട്ടലിൽ പ്രസിദ്ധീകരിക്കുന്ന കണക്കുകൾ ഒരു ദിവസത്തിന് ശേഷം മാത്രമേ ലഭ്യമാകുകയുള്ളു. ഇതോടെ സംസ്ഥാനത്തിന്റെ പ്രതിദിന കണക്കുകൾ അറിയാൻ മറ്റൊരു മാർഗ്ഗവുമില്ലാത്ത അവസ്ഥയാണ്. ആശുപത്രിയിൽ ചികിത്സയിലിരിക്കുന്നവരുടെ കണക്കുകളും വെളുപ്പെടുത്തുന്നില്ല.
കേന്ദ്രസർക്കാർ കേരളത്തിന്റെ സ്ഥിതി ഗൗരവമായി കണ്ട് മാർഗനിർദേശങ്ങൾ ഉൾപ്പെടെ ദിനംപ്രതി നൽകുമ്പോഴാണ് സംസ്ഥാനത്തെ സ്ഥിതി മറച്ചുവെക്കുന്നത്.
