ഏറെ ആരാധകരുള്ള തെന്നിന്ത്യൻ താരമാണ് അല്ലു അർജുൻ. കഴിഞ്ഞ ദിവസം അല്ലു അർജുന്റെ 41-ാം ജന്മദിനമായിരുന്നു. നിരവധിപ്പേരാണ് താരത്തിന് ആശംസകൾ നേർന്നത്. ഇപ്പോഴിതാ തന്റെ ആരാധകർക്ക് നന്ദി അറിയിച്ച് രംഗത്തുവന്നിരിക്കുകയാണ് താരം. ആരാധകരുടെ സ്നേഹത്തിനും ആശംസകൾക്കും പിന്തുണയ്ക്കും അല്ലു അർജുൻ നന്ദി പറഞ്ഞു.
സമൂഹമാദ്ധ്യമത്തിലൂടെ പങ്കുവെച്ച കുറിപ്പ് നിമിഷങ്ങൾക്കകം ശ്രദ്ധേയമാവുകയും ചെയ്തു.കുറിപ്പിനൊപ്പം കൈകൾ കൂപ്പി നിൽക്കുന്ന ഫോട്ടോയാണ് സ്റ്റൈലിഷ് താരം പോസ്റ്റ് ചെയ്തിരിക്കുന്നത്. ‘എല്ലാവർക്കും നന്ദി. എല്ലായിടത്തുമുള്ള എല്ലാ സ്നേഹത്തിനും ആശംസകൾക്കും നന്ദി. ഞാൻ ശരിക്കും അനുഗ്രഹിക്കപ്പെട്ടവനാണ്. വിനീതനാണ്. കൃതജ്ഞത എന്നേക്കും’- അല്ലു അർജുൻ കുറിച്ചു.
https://www.instagram.com/p/CqznFajSbr_/?utm_source=ig_web_copy_link
അതേസമയം അല്ലു അർജുൻ അടുത്തതായി അഭിനയിച്ചുകൊണ്ടിരിക്കുന്നത് പുഷ്പ 2 എന്ന ചിത്രത്തിലാണ്. പുഷ്പ 2 ന്റെ ഫസ്റ്റ് ലുക്ക് പോസ്റ്റർ വൈറലായിരുന്നു. അല്ലു അർജുന്റെ പിറന്നാൾ ദിനത്തലേന്നാണ് അണിയറക്കാർ ഫസ്റ്റ് ലുക്ക് അവതരിപ്പിച്ചത്. സുകുമാർ സംവിധാനം ചെയ്ത ചിത്രം അദ്ദേഹത്തിന്റെ കരിയറിലെ ഏറ്റവും വലിയ ചിത്രമാണ്.
ടൈറ്റിൽ കഥാപാത്രമായി അല്ലു അർജുൻ എത്തുന്ന പുഷ്പ 2-ൽ രശ്മിക മന്ദാനയാണ് നായിക. മലയാളത്തിന്റെ പ്രിയതാരം ഫഹദ് ഫാസിലാണ് ചിത്രത്തിൽ പ്രതിനായകനായി എത്തുന്നത്. ദേവി ശ്രീ പ്രസാദാണ് സംഗീതം ഒരുക്കിയിരിക്കുന്നത്. തെലുങ്കിൽ നിന്ന് വരാനിരിക്കുന്ന ചിത്രങ്ങളിൽ വലിയ കാത്തിരിപ്പ് ഉയർത്തിയിട്ടുള്ള ഒരു ചിത്രമാണ് പുഷ്പ 2. ചിത്രത്തിന്റെ ഒരു പുതിയ പ്രോമോ വീഡിയോയും പുറത്തെത്തിയിരുന്നു.
Comments