ചെന്നൈ: ഐപിഎൽ ഒരു പുതു ചരിത്രം സൃഷിടിക്കാൻ ഒരുങ്ങുകയാണ് ചെന്നൈയുടെ തല എംഎസ് ധോണി. ഇന്ന് രാജസ്ഥാൻ റോയൽസിനെതിരെ കളിക്കുന്നതോടെ ചെന്നൈയുടെ ക്യാപ്റ്റനായുള്ള 200-മത്തെ മത്സരമാണ് ധോണി കളിക്കുന്നത്. ഐപിഎൽ ചരിത്രത്തിൽ മറ്റൊരു ടീം ക്യാപ്റ്റനും ഇത്തരത്തിൽ ഒരു നേട്ടം കൈവരിച്ചിട്ടില്ല.
ഐപിഎല്ലിൽ 200 മത്സരങ്ങളിൽ ക്യാപ്റ്റനാകുന്ന ആദ്യ താരം എന്ന നേട്ടം ധോണി അടുത്തിടെ സ്വന്തമാക്കിയിരുന്നു. എന്നാൽ ചെന്നൈ സൂപ്പർ കിംഗ്സിന് വിലക്കേർപ്പെടുത്തിയിരുന്ന കാലത്ത് ധോണി പൂനെ റൈസിംഗ് ജയന്റ്സ് എന്ന ടീമിനെ നയിച്ചിരുന്നു. അതുകൊണ്ട് അന്നത്തെ കണക്കിൽ ചെന്നൈ സൂപ്പർ കിംഗ്സിന് അവകാശപ്പെടാൻ പറ്റില്ലായിരുന്നു.
2008-ൽ ഐപിഎല്ലിന്റെ തുടക്കം മുതൽ സിഎസ്കെയുടെ നായകനാണ് ധോണി. 14 സീസണുകളിലായി 199 മത്സരങ്ങളിൽ സിഎസ്കെയുടെ ക്യാപ്റ്റന്റെ തൊപ്പിയണിഞ്ഞിരുന്നു ധോണി. നാല് സീസണുകളിൽ ധോണി ഐപിഎൽ കിരീടം ചൂടി. ഏറ്റവും കൂടുതൽ വിജയങ്ങൾ നേടിയ രണ്ടാമത്തെ ടീമായി സിഎസ്കെയെ മാറ്റിയതിൽ നല്ലൊരു പങ്ക് ധോണി വഹിച്ചിട്ടുണ്ട്. അതേസമയം ഒൻപത് ഫൈനലുകളിൽ സിഎസ്കെയെ ധോണി എത്തിച്ചു.
ഐപിഎല്ലിൽ ഒരു ടീമിന്റെ ക്യാപ്റ്റനായിരിക്കെ 4482 റൺസുകൾ ധോണി നേടിയിട്ടുണ്ട്. സിഎസ്കെയെയും റൈസിംഗ് പൂനെ സൂപ്പർ ജയന്റ്സിനേയും 207 മത്സരങ്ങളിൽ നയിച്ചതിൽ 123 മത്സരങ്ങളിൽ ജയം നേടി.
Comments