ഡെറാഡൂൺ: ഉത്തരാഖണ്ഡിലെ തപ്കേശ്വർ മഹാദേവ ക്ഷേത്രത്തിൽ ദർശനം നടത്തി ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി. ശുഭ് മംഗൾ ചാർധാം സേവാ സമിതി സംഘടിപ്പിച്ച സുന്ദരകാണ്ഡ പാരായണത്തിലും മുഖ്യമന്ത്രി പങ്കെടുത്തു. ക്ഷേത്ര ദർശനത്തിന്റെ ചിത്രങ്ങൾ അദ്ദേഹം ട്വിറ്ററിൽ പങ്കുവെച്ചു.
‘ഇന്ന് തപ്കേശ്വർ മഹാദേവ ക്ഷേത്രത്തിൽ ദർശനം നടത്തി. സംസ്ഥാനത്തെ ജനങ്ങളുടെ സന്തോഷത്തിനും സമൃദ്ധിക്കും വേണ്ടി പ്രാർത്ഥിച്ചു. കൂടാതെ ശുഭ് മംഗൾ ചാർധാം സേവാ സമിതി സംഘടിപ്പിച്ച ‘സുന്ദരകാണ്ഡ പാരായണത്തിലും പങ്കെടുത്തു’ എന്ന് ധാമി ട്വിറ്ററിൽ കുറിച്ചു.
आज टपकेश्वर महादेव मंदिर में पूजा-अर्चना कर प्रदेशवासियों के सुख-समृद्धि की कामना की साथ ही शुभ मंगल चारधाम सेवा समिति द्वारा आयोजित 'सुंदरकांड' पाठ में प्रतिभाग किया। pic.twitter.com/0XEB1OX8Qs
— Pushkar Singh Dhami (@pushkardhami) April 15, 2023
ഉത്തരാഖണ്ഡിലെ അതിപ്രസിദ്ധമായ ശിവക്ഷേത്രമാണ് ഡെറാഡൂണിൽ സ്ഥിതി ചെയ്യുന്ന തപ്കേശ്വർ മഹാദേവ ക്ഷേത്രം എന്നും അറിയപ്പെടുന്ന തപ്കേശ്വര ക്ഷേത്രം. ടൺസ് നദിയുടെ തീരത്താണ് ഈ ക്ഷേത്രമുള്ളത്. ക്ഷേത്രത്തിന്റെ പ്രധാന ശിവലിംഗം ഉൾക്കൊള്ളുന്ന പ്രകൃതിദത്തമായ ഒരു ഗുഹയുടെ മുകളിലാണ് ഇത് നിർമ്മിച്ചിരിക്കുന്നത്. ക്ഷേത്രത്തിന് 6000 വർഷം പഴക്കമുണ്ടെന്ന് പറയപ്പെടുന്നു. ഗുഹയിൽ സ്വയംഭൂവായ ഒരു ശിവലിംഗമുണ്ട്. ഡെറാഡൂണിലെ ഒരു വിനോദസഞ്ചാര കേന്ദ്രമായും തീർത്ഥാടന കേന്ദ്രമായും ഈ ക്ഷേത്രം പ്രശസ്തമാണ്.
