ട്വിറ്ററിൽ മുഖ്യമന്ത്രി പിണറായി വിജയനെതിരെ ട്വീറ്റുമായി ദേശീയ വനിതാ കമ്മീഷൻ അംഗവും നടിയുമായ ഖുഷ്ബു സുന്ദർ. കൊല്ലം കൊട്ടിയത്ത് പൊലീസുകാർ സൈനികനെ അറസ്റ്റ് ചെയ്യുന്നതിന്റെ വീഡിയോ പങ്കുവെച്ചാണ് താരത്തിന്റെ കുറിപ്പ്. ഒരു സൈനികനെ ബലപ്രയോഗത്തിലൂടെ അറസ്റ്റ് ചെയ്തിരിക്കുന്നു കേരള പോലീസ്. മദ്രാസ് റെജിമെൻറിലെ നായിക് കിരൺ കുമാറിനെ ഇത്തരത്തിൽ ക്രൂരമായ രീതിയിലാണ് കേരള പൊലീസ് കസ്റ്റഡിയിൽ എടുത്തത്. എന്തുകൊണ്ടാണ് ഈ ക്രൂരത. പിണറായി വിജയൻ സാർ? ട്വിറ്ററിൽ പിണറായി വിജയനെ ടാഗ് ചെയ്ത് കൊണ്ടായിരുന്നു ഖുശ്ബുവിന്റെ പോസ്റ്റ്.
കിരൺ കുമാറിന്റെയും പിതാവിന്റെയും കൈകെട്ടിയാണ് പോലീസ് അറസ്റ്റ് ചെയ്തത്. എന്നാൽ കിരൺ കുമാർ ഉൾപ്പെട്ട പരാതി അന്വേഷിക്കാൻ എത്തിയപ്പോൽ തങ്ങളെ അവർ അക്രമിച്ചു എന്നായിരുന്നു പോലീസിന്റെ ഭാഷ്യം. എന്നാൽ പോലീസ് സൈനികനെ ക്രൂരമായി മർദ്ദിച്ചു എന്ന് കുടുംബം ആരോപിച്ചു.
