ബോളിവുഡിലെ ദമ്പതിമാരായ ഷാരൂഖ് ഖാനും ഭാര്യ ഗൗരി ഖാനും എപ്പോഴും വാർത്തകളിൽ നിറയാറുണ്ട്. ഗൗരി ഖാൻ ബോളിവുഡിൽ തന്റേതായ ഇടം നേടിയിട്ടുണ്ട്. രാജ്യത്തെ പ്രശസ്തയായ ഇന്റീരിയർ ഡിസൈനർമാരിൽ ഒരാളാണ് ഗൗരി ഖാൻ. എന്നാൽ ഇപ്പോഴാണ് ഇന്റീരിയർ ഡിസൈനിംഗ് എപ്പോഴാണ് തുടങ്ങിയതെന്ന് അവർ വെളിപ്പെടുത്തിയത് .
ഗൗരി ഖാൻ അടുത്തിടെ ‘മൈ ലൈഫ് ഇൻ ഡിസൈൻ’ എന്ന പേരിൽ ഒരു ബുക്ക് പുറത്തിറക്കിയിരുന്നു. ഷാരൂഖ് ഖാനാണ് പുസ്തകത്തിന്റെ അവതാരിക എഴുതിയിരിക്കുന്നത്. അതിൽ ഷാരൂഖ് തന്റെ വീടിനെക്കുറിച്ചും ഗൗരിയുടെ ഡിസൈനുകളെക്കുറിച്ചും വെളിപ്പെടുത്തുന്നു. എന്തുകൊണ്ടാണ് ഗൗരി ഇന്റീരിയർ ഡിസൈനിംഗ് ചെയ്യാൻ തുടങ്ങിയത് എന്നും ഷാരൂഖ് പറയുന്നു .
‘ ഞാനും ഗൗരിയും ഞങ്ങളുടെ ആദ്യത്തെ വീട് വാങ്ങുമ്പോൾ ഗൗരി ആദ്യത്തെ കുഞ്ഞിനെ ഗർഭിണിയായിരുന്നു. ആ സമയത്ത് ഞങ്ങൾക്ക് താമസിക്കാൻ ഒരു സ്ഥലം ആവശ്യമായിരുന്നു. അതുകൊണ്ട് കയ്യിലുള്ള കാശിനു അനുസരിച്ച് സാധനങ്ങൾ വാങ്ങാം എന്ന് തീരുമാനിച്ചു. അക്കാലത്ത് ഒരു ഡിസൈനറെ പോലും കൊണ്ടുവരാൻ ഞങ്ങൾക്ക് കഴിഞ്ഞില്ല. അതുകൊണ്ട് ഗൗരി സ്വയം ഉത്തരവാദിത്തം ഏറ്റെടുത്തു.
ഞങ്ങൾ ഒരു സോഫ വാങ്ങാൻ കടയിൽ പോയത് ഞാൻ ഇപ്പോഴും ഓർക്കുന്നു. പക്ഷെ ഞങ്ങൾക്ക് ആ സോഫ വാങ്ങാൻ കഴിഞ്ഞില്ല. കാരണം അത് വളരെ ചെലവേറിയതായിരുന്നു. ഇതിന് ശേഷമാണ് ഗൗരിയുടെ ഡിസൈനിംഗ് യാത്ര ആരംഭിച്ചത്. അന്ന് സോഫ ഉണ്ടാക്കാൻ തുകൽ വാങ്ങി, ഗൗരി നോട്ട്ബുക്കിൽ ഡിസൈൻ തയ്യാറാക്കിയിരുന്നു. പിന്നെ ഞങ്ങൾ അത് കൃത്യമായി ഒരു മരപ്പണിക്കാരനെ ഉണ്ടാക്കിച്ചു . ഇതിനുശേഷം, ഞങ്ങൾ മന്നാട്ട് ബംഗ്ലാവ് വാങ്ങിയപ്പോൾ, അക്കാലത്ത് ഈ ബംഗ്ലാവ് വാങ്ങാൻ പണം മുഴുവൻ ചെലവഴിച്ചത് സാമ്പത്തിക പ്രതിസന്ധി സൃഷ്ടിച്ചു. അതിനു ശേഷം ഗൗരി ഒരിക്കൽ കൂടി മുൻകൈ എടുത്ത് മന്നത്തിന്റെ ബംഗ്ലാവിന്റെ ഉൾവശം മുഴുവൻ ഡിസൈൻ ചെയ്തു. ഇതിനുശേഷം, അവളുടെ ജോലിയുടെ വ്യാപ്തി വർദ്ധിച്ചു. തുടർന്ന് അവൾ നിരവധി പ്രൊഫഷണൽ ഡിസൈനർമാരെയും ആർക്കിടെക്റ്റുകളെയും നിയമിച്ചു, ”ഷാരൂഖ് പറഞ്ഞു.
“ഞാൻ ഒരു അത്യാവശ്യത്തിനു തുടങ്ങിയത് ഇപ്പോൾ എന്റെ കരിയറായി മാറിയിരിക്കുന്നു,” എന്നാണ് ഗൗരി ഖാൻ പറയുന്നത്.
