മലയാള സിനിമയിലേക്ക് തൊണ്ണൂറുകളിലെത്തിയ എത്തിയ ഒട്ടുമിക്ക നായികമാരും മലാളത്തിന്റെ താരരാജാവ് മോഹൻലാലിന് ഒപ്പം ഒരു സിനിമയെങ്കിലും ചെയ്തിട്ടുണ്ട്. എന്നാൽ നടി ആനിയ്‌ക്ക് അതിന് സാധിച്ചിട്ടില്ല. മാത്രമല്ല മോഹൻലാലിന്റെ കൂടെ ഒരു സിനിമ പോലും ചെയ്യാൻ സാധിക്കാതെ മറ്റെല്ലാ സൂപ്പർതാരങ്ങൾക്ക് ഒപ്പവും നടി ആനി അഭിനയിച്ചിട്ടുണ്ട്.
മെഗാസ്റ്റാർ മമ്മൂട്ടി, സൂപ്പർ താരം സുരേഷ് ഗോപി , കുടുംബ നായകൻ ജയറാം , ജനപ്രിയ നായകൻ ദിലീപ് ഇവർക്കൊപ്പമെല്ലാം നടി ആനി അഭിനയിച്ചിട്ടുമുണ്ട്. അഭിനയിച്ച നിരവധി ചിത്രങ്ങൾ ഹിറ്റായതോടെ ആനി അന്ന് മലയാള സിനിമാ പ്രേക്ഷകരുടെ പ്രിയ നായികയായി ഇടം നേടി. പക്ഷെ മോഹൻലാലുമായി ഒരു സിനിമ ചെയ്യാൻ ആനിക്ക് കഴിയാതെ പോയത് അന്നത്തെ കാലത്തെ പ്രേക്ഷകരെ തീർത്തും നിരാശാരാക്കിയിരുന്നു.
മോഹൻലാലിന്റെ നായികയായി ആനി അഭിനയിക്കുന്ന ഒരു സിനിമ പ്ലാൻ ചെയ്തെങ്കിലും ഷാജി കൈലാസ് ആനിയെ വിവാഹം ചെയ്തതോടെ മലയാളത്തിന്റെ ഭാഗ്യാ നായികാ സിനിമാ ജീവിതം ഉപേക്ഷിക്കുക ചെയ്തു. മോഹൻലാലിന് ശോഭനയെപ്പോലെ ഏറ്റവും ഇണങ്ങുന്ന മറ്റൊരു നായിക മുഖമാണ് ആനിയുടെതാണ് എന്നായിരുന്നു സിനിമാ പ്രേക്ഷകർ അഭിപ്രായപെട്ടത്.
നിലവിൽ അഭിനയ ചാതുര്യം കൊണ്ടും സൗന്ദര്യം കൊണ്ടും പ്രേക്ഷക മനസ്സിൽ ഇടം നേടിയ ആനിയുടെ രണ്ടാം വരവിനായി കാത്തിരിക്കുകയാണ് പ്രേക്ഷകർ. എന്നാൽ ഇപ്പോൾ അഭിനയ രംഗത്ത് നിന്നും പൂർണമായി വിട്ടുനിൽക്കുന്ന ആനി അമൃത ടിവിയിലെ ആനീസ് കിച്ചൻ എന്ന പരിപാടിയിലൂടെ പ്രേക്ഷകർക്ക് മുന്നിൽ എത്താറുണ്ട്. മമ്മൂട്ടിയുമായി മഴയെത്തും മുൻപേയും, സുരേഷ് ഗോപിക്ക് ഒപ്പം രുദ്രാക്ഷവും, ജയറാമിന്റെ കൂടെ പുതുക്കോട്ടയിലെ പുതുമണവാളനും, ദിലീപുമായി ആലഞ്ചേരി തമ്പ്രാക്കളും എല്ലാം നടി ആനിയുടെ കരിയറിലെ ശ്രദ്ധേയമായ സിനിമകളാണ്.
