മിക്ക സംസ്ഥാനങ്ങളിലെ ജനങ്ങൾക്കും ഇഷ്ടപ്പെട്ട പ്രഭാത ഭക്ഷണങ്ങളാണ് ദോശയും ഇഡ്ഡലിയും അപ്പവു. മലയാളികൾക്ക് ഇത് വളരെ പ്രധാന പ്രഭാത ഭക്ഷണങ്ങളിൽ ഒന്നാണ്. പലപ്പോഴും ജോലി തിരക്കുകൾ കാരണം പലരും ദോശ ഉണ്ടാക്കാനുള്ള മാവ് കുറച്ച് ദിവസത്തേയ്ക്ക് അരച്ച് വയ്ക്കാറാണ് പതിവ്.
എന്നാൽ ഫ്രിഡ്ജിൽ സൂക്ഷിക്കുമ്പോൾ പോലും പലപ്പോഴും മാവ് പുളിച്ചുപോകാറുണ്ട്. ഇനി ഇങ്ങനെ സംഭവിക്കാതിരിക്കാൻ ഒരു എളുപ്പവഴിയുണ്ട്. ഫ്രിഡ്ജിൽ മാവ് വയ്ക്കുന്നതിന് തൊട്ട് മുമ്പ് ഒരു വെറ്റില അതിലേയ്ക്ക് വച്ചാൽ മാത്രം മതി. എങ്ങനെയാണ് ഇത് ചെയ്യേണ്ടതെന്ന് നോക്കാം.
ഒരു വെറ്റില നന്നായി കഴുകി വൃത്തിയാക്കി എടുക്കുക. അരച്ചുവച്ച മാവിന്റെ പുറത്ത് വെറ്റില വച്ച ശേഷം അടച്ച് ഫ്രിഡ്ജിൽ വയ്ക്കാവുന്നതാണ്. ഇങ്ങനെ ചെയ്തു കഴിഞ്ഞാൽ ദോശ മാവ് കുറേ ദിവസം പുളിക്കാതെ സൂക്ഷിക്കാൻ കഴിയുന്നതാണ്. നല്ല വൃത്തിയുള്ള വെറ്റില എടുക്കാൻ പ്രത്യേകം ശ്രദ്ധിക്കേണ്ടതാണ്.
Comments