സമൂഹമാദ്ധ്യമങ്ങളിൽ സജീവമാണ് നമ്മുടെയെല്ലാം പ്രിയങ്കരനായ മാസ്റ്റർ ബ്ലാസ്റ്റർ സച്ചിൻ തെണ്ടുൽക്കർ. ചില ഇടവേളകളിൽ താരം ആരാധകരുമായി സംവദിക്കാറുണ്ട്. ആരാധകർ ചോദിക്കുന്ന ചോദ്യങ്ങൾക്ക് ചിലപ്പോൾ രസകരമായ ഉത്തരവും ലഭിക്കാറുണ്ട്. കഴിഞ്ഞദിവസം അങ്ങനെയൊരു ചോദ്യോത്തരവേള സച്ചിനും നടത്തുകയുണ്ടായി. ഇതിനിടെ നടൻ സൂര്യയേക്കുറിച്ച് സച്ചിൻ പറഞ്ഞ വാക്കുകളാണ് ആരാധകർ ഏറ്റെടുത്തിരിക്കുന്നത്.
Likewise Sir and look forward to more such meetings 😊 Hearty wishes for Arjun! May he have a rocking innings in this IPL season and a glorious cricketing career..!!! https://t.co/NDFUA6Lx5v
— Suriya Sivakumar (@Suriya_offl) April 21, 2023
നടൻ സൂര്യയും സച്ചിനും ഇക്കഴിഞ്ഞ ഫെബ്രുവരിയിൽ കൂടിക്കാഴ്ച നടത്തിയിരുന്നു. ഇതിന്റെ ചിത്രങ്ങൾ വൈറലാകുകയും ചെയ്തു. അന്നത്തെ ഒരു ചിത്രം ചൂണ്ടിക്കാട്ടി ഒരാരാധകൻ ഈ കൂടിക്കാഴ്ചയേക്കുറിച്ച് എന്താണ് പറയാനുള്ളതെന്ന് ചോദിച്ചു. ഇതിന്റെ മറുപടിയായി സച്ചിൻ കുറിച്ചതാകട്ടെ വളരെ കൗതുകമുള്ള ഒരു കാര്യമാണ്.
തുടക്കത്തിൽ തമ്മിൽ സംസാരിക്കാൻ രണ്ടുപേർക്കും വലിയ നാണമായിരുന്നെന്നും അങ്ങോട്ടുമിങ്ങോട്ടും ശല്യപ്പെടുത്തേണ്ടെന്ന് വിചാരിച്ചെന്നുമാണ് സച്ചിൻ പറഞ്ഞത്. പക്ഷേ നല്ല രീതിയിലാണ് സംസാരിച്ച് പിരിഞ്ഞതെന്ന് സച്ചിൻ പറഞ്ഞു. എന്നാൽ ഇതിന് പിന്നാലെ സച്ചിന്റെ ഈ മറുപടി സൂര്യ റീട്വീറ്റ് ചെയ്തു. അത്തരത്തിലുള്ള കൂടിക്കാഴ്ചകൾ ഇനിയും പ്രതീക്ഷിക്കുന്നുവെന്നാണ് സൂര്യ കുറിച്ചത്. സച്ചിന്റെ മകൻ അർജുന് ക്രിക്കറ്റിൽ മികച്ചൊരു കരിയർ ഉണ്ടാകാൻ ഇടവരട്ടെയെന്നും സൂര്യ ട്വീറ്റ് ചെയ്തിട്ടുണ്ട്.
