അൻപതാം ജന്മദിനത്തിൽ സച്ചിൻ തെൻഡുൽക്കർക്ക് മറ്റൊരു താരത്തിനും ലഭിക്കാത്ത ആദരവുമായി ഷാർജ ക്രിക്കറ്റ് സ്റ്റേഡിയം . ഷാർജ ക്രിക്കറ്റ് സ്റ്റേഡിയത്തിലെ സ്റ്റാൻഡ് സച്ചിൻ തെൻഡുൽക്കറുടെ പേരിൽ പുനഃർനാമകരണം ചെയ്തു.ഐതിഹാസികമായ ഡെസേർട് സ്റ്റോമം ഇന്നിംഗിസിന്റെ 25-ാം വാർഷികം, സച്ചിന്റെ 50-ാം ജന്മദിനം എന്നിവയോടനുബന്ധിച്ചാണ് ഈ ആദരം.
ഷാർജ ക്രിക്കറ്റ് സ്റ്റേഡിയത്തിലെ വെസ്റ്റ് സ്റ്റാൻഡിനാണ് തിങ്കളാഴ്ച നടന്ന പ്രത്യേക ചടങ്ങിൽ സച്ചിൻ തെൻഡുൽക്കർ സ്റ്റാൻഡ് എന്ന് പുനഃർനാമകരണം ചെയ്തത്. 1998-ൽ ഓസ്ട്രേലിയയ്ക്കെതിരെ അദ്ദേഹം ഈ സ്റ്റേഡിയത്തിൽ നേടിയ സെഞ്ചുറികളുടെ വാർഷികമായിരുന്നു തിങ്കളാഴ്ച. 1998ലെ ത്രിരാഷ്ട്ര പരമ്പരയിൽ മണൽക്കാറ്റ് വില്ലനായിട്ടും 143 റൺസ് അടിച്ചെടുത്ത് ഇന്ത്യയെ ഫൈനലിലെത്തിച്ചതുൾപ്പെടെ എണ്ണമറ്റ പ്രകടനങ്ങളാണ് സച്ചിൻ ഷാർജ സ്റ്റേഡിയത്തിൽ നടത്തിയത്. ഫൈനലിലും സെഞ്ച്വറി ആവർത്തിച്ച സചിൻ ഇന്ത്യക്ക് കിരീടം സമ്മാനിച്ചിരുന്നു. 25ാം ജന്മദിനത്തിലായിരുന്നു അന്ന് സചിന്റെ വെടിക്കെട്ട്.. ക്രിക്കറ്റ് ചരിത്രത്തിലെ അവിസ്മരണീയമായ ചില നിമിഷങ്ങൾ ഈ ഗ്രൗണ്ടിൽ സംഭവിക്കുന്നതിന് ക്രിക്കറ്റ് പ്രേമികൾ സാക്ഷികളായി.
സച്ചിന് നന്ദി പ്രകടിപ്പിക്കാനുള്ള തങ്ങളുടെ എളിയ മാർഗമാണിതെന്ന് ഷാർജ സ്റ്റേഡിയം സിഇഒ ഖലഫ് ബുഖാതിർ പറഞ്ഞു. ഏറ്റവും കൂടുതൽ ഏകദിനങ്ങൾക്ക് വേദിയായതിന്റെ ഗിന്നസ് റെക്കോർഡ് ഇപ്പോഴും ഷാർജ ക്രിക്കറ്റ് സ്റ്റേഡിയത്തിനുണ്ട്.244 ഏകദിന മത്സരങ്ങളാണ് ഇവിടെ നടന്നത്.
Comments