ഹൈദരാബാദ്: ഹൈദരാബാദിൽ മൂന്ന് ലൈബ്രറികൾ സ്ഥാപിച്ച് പതിനൊന്നു വയസ്സുകാരി ആകർഷണ സതീഷ്. തന്റെ സഹപാഠികൾ, അയൽക്കാർ കുടുംബാംഗങ്ങൾ തുടങ്ങിയവരിൽ നിന്ന് പുസ്തകങ്ങൾ ശേഖരിച്ചാണ് ഈ കൊച്ചുമിടുക്കി ലൈബ്രറികൾ സ്ഥാപിച്ച് മാതൃകയായത്. 4834 പുസ്കങ്ങൾ ഉപയോഗിച്ചാണ് ഹൈദരാബാദിലെ വിവിധയിടങ്ങളിൽ ആകർഷണ മൂന്ന് ലൈബ്രറികൾ സ്ഥാപിച്ചത്.
ഒരു ക്യാൻസർ ആശുപത്രിയിൽ കുട്ടികൾക്കായി 1036 പുസ്തകങ്ങൾ ഒരുക്കിയ ലൈബ്രറി സ്ഥാപിച്ചു. സനത് നഗർ പോലീസ് സ്റ്റേഷനിൽ 829 പുസ്തകങ്ങളുള്ള മറ്റൊരു ലൈബ്രറിയും ഒരുക്കി. ഇപ്പോൾ തന്റെ മൂന്നാമത്തെ ലൈബ്രറി നിബോളിയദ്ദയിലെ പെൺകുട്ടികൾക്കായുള്ള പ്രത്യേക ചിൽഡ്രൻസ് ഹോമിൽ ഒരുക്കിയിരിക്കുന്നു.
കൊറോണ മഹാമാരിയെ തുടർന്നാണ് ഈ മിടുക്കി ചുറ്റുമുള്ളവരിൽ നിന്ന് പുസ്തകങ്ങൾ ശേഖരിക്കാൻ തുടങ്ങിയത്. തുടർന്ന് 4800-ലധികം പുസ്തകങ്ങൾ ശേഖരിച്ചു. ഇപ്പോൾ മൂന്നാമത്തെ ലൈബ്രറിയും സ്ഥാപിച്ചു. ഇതിൽ ഹിന്ദി, തെലുങ്ക്, ഇംഗ്ലീഷ് ഭാഷകളിൽ പുസ്തകങ്ങളുണ്ട്. തന്റെ പിതാവാണ് പിന്തുണയെന്ന് ആകർഷണ എടുത്ത് പറഞ്ഞു. ആകർഷണയുടെ മാതൃകാപരമായ പ്രവർത്തിയിൽ ഐപിഎസ് ശിഖ ഗോ അഭിനന്ദിച്ചു.
Comments