ഹൈദരാബാദ്: ആന്ധ്രാപ്രദേശിൽ ഹയർ സെക്കന്ററി ക്ലാസ്സുകളിലെ പരീക്ഷാ ഫലം പ്രഖ്യാപിച്ചതിന് പിന്നാലെ വിദ്യാർത്ഥികളുടെ ആത്മഹത്യാ വാർത്തകളും. സംസ്ഥാനത്തുടനീളം ഒമ്പത് വിദ്യാർഥികളാണ് ജീവനൊടുക്കിയത്. ഇത് കൂടാതെ രണ്ട് വിദ്യാർത്ഥികൾ ആത്മഹത്യാ ശ്രമവും നടത്തി.
ആന്ധ്രപ്രദേശ് ബോർഡ് ഓഫ് ഇൻർമീഡിയറ്റ് എക്സാമിനേഷൻ ബോർഡ് നടത്തിയ പരീക്ഷ 10 ലക്ഷത്തോളം വിദ്യാർഥികളാണ് എഴുതിയത്. 11-ാം ക്ലാസിൽ 61 ശതമാനം വിജയവും പന്ത്രണ്ടാം ക്ലാസിൽ 72 ശതമാനം വിജയവുമാണ് ഉണ്ടായത്. തുടർന്ന് കഴിഞ്ഞ ദിവസം ആയിരുന്നു ഫല പ്രഖ്യാപനം നടന്നത്.
