ന്യൂഡൽഹി : ഏറ്റവും കഴിവുള്ള നേതാക്കന്മാരുടെ കഴിവാണ് ജനങ്ങളുമായി മികച്ച രീതിയിൽ സംവദിക്കാൻ കഴിയുന്നതെന്ന് നടൻ ഷാഹീദ് കപൂർ.മോദിയുടെ പ്രതിമാസ റേഡിയോ പ്രഭാഷണ പരിപാടിയായ മൻ കി ബാത്തിന്റെ നൂറാം എപ്പിസോഡ് പ്രക്ഷേപണത്തോടനുബന്ധിച്ച് സംസാരിക്കുകയായിരുന്നു അദ്ദേഹം.
പ്രധാനമന്ത്രി നരേന്ദ്ര മോദി ജനങ്ങളുമായി ബന്ധപ്പെട്ടു നിൽക്കുന്നു, ഇത് ഒരു മികച്ച നേതാവിന്റെ അടയാളമാണെന്നും അദ്ദേഹം പറഞ്ഞു. രാജാവായാലും പ്രധാനമന്ത്രിയായാലും ചരിത്രത്തിലെ ഏറ്റവും ജനപ്രിയനും മഹാനുമായ നേതാവായിരുന്നവരെല്ലാം ജനങ്ങളുമായി എപ്പോഴും ബന്ധപ്പെട്ടിട്ടുണ്ട് . മൻ കി ബാത്തിന്റെ ബന്ധം വളരെ ആഴത്തിലുള്ളതാണ്. നിങ്ങളുടെ മനസ്സ് സംസാരിക്കുക, ആളുകളെ ശ്രദ്ധിക്കുക, നിങ്ങളുടെ വാക്കുകൾ അവരെ അറിയിക്കുക – ഇതിലും മികച്ചതൊന്നും ഉണ്ടാകില്ല . ഈ പരിപാടി മികച്ച ഫോർമാറ്റാണെന്നും ഷാഹിദ് കപൂർ പറഞ്ഞു.
മുംബൈയിലെ മഹാരാഷ്ട്ര രാജ്ഭവനിൽ സംഘടിപ്പിച്ച ‘മൻ കി ബാത്ത്’ പരിപാടിയുടെ നൂറാം എപ്പിസോഡിന്റെ പ്രത്യേക സ്ക്രീനിംഗിൽ ഷാഹിദ് കപൂറും എത്തിയിരുന്നു . അദ്ദേഹത്തെ കൂടാതെ നടി മാധുരി ദീക്ഷിത്, ചലച്ചിത്ര സംവിധായകൻ രോഹിത് ഷെട്ടി എന്നിവരും ചടങ്ങിൽ പങ്കെടുത്തു. പരിപാടിയിലേക്ക് ക്ഷണിക്കപ്പെട്ടത് തന്നെ വലിയ ഭാഗ്യമായി കരുതുന്നുവെന്നും ഷാഹിദ് കപൂർ പറഞ്ഞു.
Comments