കൊച്ചി : കൊച്ചി വിമാനത്താവളത്തിൽ നിന്നും സ്വർണം പിടികൂടി. അബുദാബിയിൽ നിന്നെത്തിയ ആഷിഖിൽ നിന്നാണ് സ്വർണം പിടികൂടിയത്. 57 ലക്ഷം രൂപ വിലമതിക്കുന്ന 1,253 ഗ്രാം സ്വർണമാണ് കസ്റ്റംസ് പിടികൂടിയത്.
എയർ ഇൻ്റലിജൻസ് യൂണിറ്റ് വിമാനത്താവളത്തിൽ പരിശോധന നടത്തിയിരുന്നു. തുടർന്നാണ് ഇയാളുടെ പക്കൽ നിന്നും സ്വർണം കണ്ടെടുത്തത്. ഗുളികകളാക്കി ശരീരത്തിൽ ഒളിപ്പിച്ച നിലയിലായിരുന്നു സ്വർണം കണ്ടെത്തിയത്. ഇയാളെ കസ്റ്റംസ് ഉദ്യോഗസ്ഥർക്ക് കൈമാറിയിരുന്നു. സംഭവത്തിൽ കൂടുതൽ അന്വേഷണം നടത്തിവരികയാണെന്ന് അധികൃതർ അറിയിച്ചു. സംസ്ഥാനത്തെ വിമാനത്താവളങ്ങളിൽ സ്വർണ വേട്ട തുടരുകയാണെന്ന് അധികൃതർ വ്യക്തമാക്കി.
കഴിഞ്ഞ ദിവസങ്ങളിൽ സമാന രീതിയിൽ സംഭവമുണ്ടായി. രണ്ട് സംഭവങ്ങളിലായി ഒരു കോടി രൂപ വിലമതിക്കുന്ന് 1899.04 ഗ്രാം സ്വർണമാണ് കസ്റ്റംസ് പിടികൂടിയത്. രണ്ട് പേരെ കസ്റ്റംസ് ഉദ്യോഗസ്ഥർ പിടികൂടിയതായി അറിയിച്ചു.
