ബെംഗളൂരു: കോൺഗ്രസ് നേതാവിന്റെ വസതിയിൽ നിന്നും ഒരു കോടി രൂപ കണ്ടെടുത്തു. ആദായ നികുതി വകുപ്പ് നടത്തിയ റെയ്ഡിലാണ് വൻ തുക കണ്ടെത്തിയത്. മരത്തിൽ ഒളിപ്പിച്ച നിലയിലായിരുന്നു പണം. കർണാടക കോൺഗ്രസ് നേതാവ് അശോക് കുമാർ റായിയുടെ സഹോദരൻ സുബ്രഹ്മണ്യ റായിയുടെ മൈസൂരുവിലെ വസതിയിലായിരുന്നു പരിശോധന. മരത്തിന്റെ മുകളിൽ കെട്ടുകളാക്കിയാണ് പണം ഒളിപ്പിച്ചിരുന്നത്. വരുന്ന തിരഞ്ഞെടുപ്പിൽ പൂത്തൂർ മണ്ഡലത്തിലെ കോൺഗ്രസ് സ്ഥാനാർത്ഥിയാണ് അശോക് കുമാർ റായി.
Karnataka: Abhishek Rai Congress Candidate's(Puttur) Brother's house raided. Rs 1 crore recovered, hidden in a box in a tree pic.twitter.com/UfB3GWaKi8
— Wali (@Netaji_bond_) May 3, 2023
തിരഞ്ഞെടുപ്പുമായി ബന്ധപ്പെട്ട് പോലീസ് നടത്തിയ പരിശോധനയിൽ ഇതുവരെ 110 കോടി രൂപയാണ് പിടിച്ചെടുത്തത്. ചീഫ് ഇലക്ട്രൽ ഓഫീസറുടെ കണക്കുകൾ പ്രകാരം 2,346 കേസുകളാണ് രജിസ്റ്റർ ചെയ്തിരിക്കുന്നത്. മെയ് പത്തിനാണ് കർണാടക നിയമസഭ തിരഞ്ഞെടുപ്പ്.
Comments