തിരുവനന്തപുരം: ഗായത്രീമന്ത്രത്തിന്റെ ഉള്ളറകളിലേക്ക് ഇറങ്ങിച്ചെന്ന, അത്യപൂർവ്വ നിമിഷത്തിന് സാക്ഷ്യം വഹിച്ച് അനന്തപുരി. തിരുവനന്തപുരം ശ്രീപത്മനാഭ സ്വാമി ക്ഷേത്രമണ്ണിൽ ഗായത്രീ സാധനാ ശിബിരയജ്ഞം നടന്നു. ഗായത്രീഗുരുകുലമാണ് ശിബിരം സംഘടിപ്പിച്ചത്.
ഗുരുകുലാചാര്യൻ ശ്രീ അരുൺപ്രഭാകരൻ ശിബിരത്തിന് നേതൃത്വം നൽകി.വളരെ ലളിതമായ അവതരണം കൊണ്ട് ഗായത്രീ സാധനയിലുണ്ടായേക്കാവുന്ന സംശയങ്ങൾ ദൂരീകരിക്കുകയും മന്ത്രവ്യാഖ്യാനം ചെയ്യുകയും ചെയ്തു.
ഏപ്രിൽ 30-ന് തിരുവനന്തപുരം ശ്രീപത്മനാഭ സ്വാമി ക്ഷേത്രത്തിന്റെ തെക്കേ നടയ്ക്ക് സമീപത്തുള്ള പ്രിയദർശിനി ഹാളിൽ വച്ചാണ് ശിബിരം നടന്നത്. ഗായത്രി മന്ത്രത്തേ ജീവിതചര്യയുടെ ഭാഗമാക്കി ആയിരങ്ങളാണ് ഗായത്രീ ദീക്ഷ സ്വീകരിച്ചത്. ഗായത്രീ പുസ്തകശാലയും ശിബിരത്തിൽ ഏറെ ജനശ്രദ്ധ പിടിച്ചുപറ്റി.
