കാമാഖ്യ ക്ഷേത്ര ചരിത്രം – പുതിയ ഇടനാഴിയുടെ സവിശേഷതകൾ

ഭാരതീയ തന്ത്ര ശാസ്ത്രത്തിലെ ഏറ്റവും പ്രധാനപ്പെട്ട ഒന്നാണ് ശക്തി ആരാധന.തന്ത്രത്തിൽ ശിവനും പാർവതിയും തമ്മിലുള്ള സംഭാഷണത്തിന്റെ രൂപത്തിൽ ശക്തി  ആരാധനയുടെ ചടങ്ങുകൾ, പ്രാർത്ഥനകൾ, ആചാരങ്ങൾ എന്നിവ നിർദ്ദേശിക്കപ്പെടുന്നു.

ഹിന്ദു ധർമ്മത്തിലെ ശക്തപന്തിന്റെ അനുയായികളുടെ കേന്ദ്ര ബിന്ദു  എല്ലായ്പ്പോഴും അസം പ്രദേശം തന്നെയായിരുന്നു.  അവിടെ കാമാഖ്യ ശക്തിപീഠം എല്ലാ ശാക്ത സാധകരുടെയും പ്രധാന ആരാധനാലയമാണ്, മാത്രമല്ല ലോകമെമ്പാടുമുള്ള എല്ലാ ഹിന്ദുക്കൾക്കിടയിലും ഇത് പ്രശസ്തമാണ്. ബ്രഹ്മപുത്രയുടെ തെക്കേ കരയിലെ നീലാചല പർവ്വതത്തിലാണ് ഇത് സ്ഥിതി ചെയ്യുന്നത്. ഭുവനേശ്വരി, ഭൈരവി, ബഗളാമുഖി, ഛിന്നമസ്താ, ധൂമാവതി, കാളി, കമലാത്മിക, മാതംഗി, താര, ഷോഡശി എന്നീ പത്ത് മഹാവിദ്യകൾക്കായി സമർപ്പിച്ചിരിക്കുന്ന വെവ്വേറെ ക്ഷേത്രങ്ങളുടെ സമുച്ചയത്തിലെ പ്രധാന ക്ഷേത്രമാണിത്.

കാമാഖ്യ ശക്തിപീഠം വാമൊഴിയായി പ്രചരിക്കപ്പെട്ടതും എഴുതപ്പെട്ടതുമായ ചരിത്രവും ഐതിഹ്യങ്ങളുമായി ഇടകലർന്നതാണ്, ചിലപ്പോൾ ഈ ഉറവിടങ്ങൾ വ്യത്യസ്ത കാലഘട്ടങ്ങളെ പ്രതിഫലിപ്പിക്കുന്നുണ്ട് . വിവിധ പ്രാചീന സാഹിത്യങ്ങളിൽ കാമാഖ്യയെക്കുറിച്ചുള്ള പരാമർശം ഉണ്ടായിട്ടുണ്ട് ഉദാ. ദേവി പുരാണം, കാളികാ പുരാണം, യോഗിനി തന്ത്രം തുടങ്ങിയവ. കാമാഖ്യ ക്ഷേത്രത്തിന്റെ ഉത്ഭവം ആര്യൻ അല്ലെങ്കിൽ ഗോത്രത്തിന് മുമ്പുള്ളതാണെന്ന് പലരും വിശ്വസിക്കുന്നു. എന്നാൽ ഇവിടെവെച്ച്  തന്റെ സൗന്ദര്യം വീണ്ടെടുത്ത കാമദേവാണ് യഥാർത്ഥത്തിൽ  ക്ഷേത്രം നിർമ്മിച്ചതെന്ന് ചില പൗരാണിക ഗ്രന്ഥങ്ങളിൽ പറയുന്നു. വിശ്വകർമാവിന്റെ സഹായത്തോടെ നിർമ്മിച്ച ഈ ക്ഷേത്രം ഒരു ഭീമാകാരമായ നിർമ്മിതിയാണെന്ന് വിശ്വസിക്കപ്പെട്ടു, ഒരുപക്ഷേ മനോഹരമായ ശിൽപഭംഗിയും വാസ്തുവിദ്യാ വിസ്മയവും നിറഞ്ഞതും നിലവിലുള്ളതിനേക്കാൾ വളരെ വലുതുമായിരുന്നു അത്.

കാമാഖ്യ ദേവിയെ ആരാധിക്കുന്നതിനായി നടക്കുന്ന വാർഷിക ഹിന്ദു മേളയാണ് അംബുബാച്ചി മേള. കാമാഖ്യ ക്ഷേത്രത്തിലെ ഏറ്റവും പ്രധാനപ്പെട്ട ഉത്സവമാണിത്, എല്ലാ വർഷവും ജൂൺ മാസത്തിലാണ് ഇത് ആഘോഷിക്കുന്നത്. ‘അംബുബാച്ചി’ എന്നാൽ ജലം കൊണ്ട് സംസാരിക്കുന്നത് അർത്ഥമാക്കുന്നു, ഈ മാസത്തിൽ പ്രതീക്ഷിക്കുന്ന മഴ ഭൂമിയെ ഫലഭൂയിഷ്ഠമാക്കുകയും സന്താനോല്പാദനത്തിന് തയ്യാറാവുകയും ചെയ്യുന്നുവെന്നും ഇത് സൂചിപ്പിക്കുന്നു. ‘അംബുബാച്ചി മേള’ അമേതി അല്ലെങ്കിൽ താന്ത്രിക് ഫെർട്ടിലിറ്റി ഫെസ്റ്റിവൽ എന്നും അറിയപ്പെടുന്നു. മാ കാമാഖ്യയ്‌ക്ക് പൂജ അർപ്പിക്കാൻ രാജ്യത്തുടനീളമുള്ള തന്ത്രിമാർ വൻതോതിൽ ഈ സമയത്ത് ഇവിടെ ഒത്തുകൂടുന്നു. അംബുബാച്ചി മേള മാ കാമാഖ്യയുടെ വാർഷിക ആർത്തവചക്രത്തിലെ പ്രധാന ദിവസങ്ങൾ ആഘോഷിക്കുന്നു. ഈ ദിവസങ്ങളിൽ, ഭക്തർക്ക് വിശുദ്ധ ഗ്രന്ഥങ്ങളൊന്നും വായിക്കാതിരിക്കുക, പൂജ ചെയ്യാതിരിക്കുക, പാചകം ചെയ്യാതിരിക്കുക തുടങ്ങിയ ചില നിയന്ത്രണങ്ങൾ നേരിടേണ്ടിവരുന്നു. പ്രതിമാസ ആർത്തവകാലത്ത് സ്ത്രീകൾ നേരിടുന്ന വിലക്കുകൾക്ക് സമാനമാണ് ഇതുപോലുള്ള വിലക്കുകൾ. മേളയുടെ നാലാം ദിവസം, മാ കാമാഖ്യയുടെ അനുഗ്രഹം തേടിയ ശേഷം പ്രസാദം വിതരണം ചെയ്യുന്നു, അത് വളരെ സവിശേഷമായി കണക്കാക്കപ്പെടുന്നു. പ്രസാദം സാധാരണയായി രണ്ട് വ്യത്യസ്ത രൂപങ്ങളിൽ വിതരണം ചെയ്യപ്പെടുന്നു- അംഗോദക്, അംഗബസ്ത്ര. ‘അങ്കോടക്’ എന്ന വാക്കിന്റെ അർത്ഥം ‘ശരീരത്തിന്റെ ദ്രാവക ഭാഗം’ എന്നാണ്. ഇത് ‘നീരുറവയിൽ നിന്നുള്ള വെള്ളത്തെ സൂചിപ്പിക്കുന്നു.’ ‘അംഗബസ്ത്ര’ എന്ന വാക്കിന്റെ അർത്ഥം ‘ശരീരത്തെ മൂടുന്ന തുണി’ എന്നാണ്. വിശ്വാസമനുസരിച്ച്, ബ്രഹ്മപുത്ര നദിയിലെ വെള്ളം മൂന്ന് ദിവസത്തേക്ക് ചുവപ്പായി മാറുന്നു. കാമാഖ്യ ദേവിയുടെ ആർത്തവമാണ് ഇതിന് കാരണമായി പറയപ്പെടുന്നത്. ദേവിയുടെ യോനി ആകൃതിയിലുള്ള കല്ല്ആർത്തവ ചക്രത്തിൽ  മറയ്‌ക്കാൻ ഉപയോഗിക്കുന്ന ചുവന്ന തുണിയെ  ‘അംഗബസ്ത്ര’  സൂചിപ്പിക്കുന്നു.

കാമാഖ്യ ക്ഷേത്രം ഭാരതത്തിലെ തന്നെ ഏറ്റവും പ്രധാനപ്പെട്ട ആരാധനാലയമാണ്, എന്നാൽ അതിന്റെ പരിസരത്ത് ധാരാളം പ്രധാനപ്പെട്ട   ആരാധനാലയൾ ഉണ്ട് . ഇപ്പോൾ, വാരാണസിയിലെ കാശി-വിശ്വനാഥ ക്ഷേത്ര ഇടനാഴിയുടെ മാതൃകയിൽ ഗുവാഹത്തിയിലെ കാമാഖ്യ ക്ഷേത്രത്തിൽ ഒരു ഇടനാഴി നിർമ്മിക്കാൻ അസമിലെ സർക്കാർ പദ്ധതിയിടുന്നു. ഈ പദ്ധതി ഈ പ്രധാന ‘ശക്തിപീഠത്തിന്റെ’ മഹത്വത്തെ ഗണ്യമായി പരിവർത്തനം ചെയ്യും, കൂടാതെ ഭിന്നശേഷിയുള്ളവർക്കും പ്രായമായ ഭക്തർക്കും വിനോദസഞ്ചാരികൾക്കും എളുപ്പം ക്ഷേത്ര ദർശനം സാധ്യമാകും.ഇത് പ്രദേശത്തെ ടൂറിസം സാദ്ധ്യതകൾ മെച്ചപ്പെടുത്തുകയും ചെയ്യും.ഇതിന്റെ ഭാഗമായി  ക്ഷേത്രം കൂടുതൽ മനോഹരമാക്കുന്ന തരത്തിൽ നവീകരിക്കാൻ അസം സർക്കാർ തീരുമാനിച്ചു. അത്യാധുനിക ‘മാ കാമാഖ്യ ഇടനാഴി’ക്ക് സർക്കാർ ഒരു മാതൃക സൃഷ്ടിച്ചു. കാളി ക്ഷേത്രം, താര ക്ഷേത്രം, ഭുവനേശ്വരി ക്ഷേത്രം, ബഗ്ലാമുഖി ക്ഷേത്രം, ഭൈർവി ക്ഷേത്രം, തുടങ്ങി നിരവധി ക്ഷേത്രങ്ങളും ഇവിടെയുണ്ട്. ഇത്തരമൊരു സാഹചര്യത്തിൽ മാ കാമാഖ്യ ക്ഷേത്രത്തിന്റെ ഭാവം മാത്രമല്ല, മറ്റെല്ലാ ക്ഷേത്രങ്ങളും മാറുമെന്ന് പറയാം. പുതിയ രൂപവും ലഭിക്കും. വിശ്വനാഥ് കോറിഡോറിനും മഹാകാൽ ഇടനാഴിക്കും തുല്യമായിരിക്കും ഇടനാഴിയുടെ നവീകരണം.

അതിൽ പ്രവേശ് പ്രംഗൻ, മാ ചിന്നമസ്ത പ്രംഗൻ, മാ കാമാഖ്യ പ്രംഗൻ എന്നിവ ഉണ്ടായിരിക്കും. പ്രംഗൻഎന്ന വാക്കിന്റെ അർഥം ‘ഇടനാഴി’ എന്നാണ് . ഈ പദ്ധതി പ്രകാരം ക്ഷേത്രങ്ങൾ നവീകരിക്കുകയും മെച്ചപ്പെടുത്തുകയും ചെയ്യും. ഭക്തർക്കായി ഒരു കൂട്ടം പുതിയ പാതകൾ നിർമിക്കും. വേനൽക്കാലത്ത്, മൂടിയ മേൽക്കൂരകളുള്ള പാതകൾ ഉണ്ടാകും. ഇതിന് പുറമെ വിഐപികൾക്കായി പ്രത്യേക പാതയും നിർമിക്കും. പ്രധാന കവാടത്തിൽ, റോഡിന്റെ ഇരുവശവും മൂടും. ഈ പദ്ധതിയുടെ ബ്ലൂപ്രിന്റിൽ, ക്ഷേത്രങ്ങളുടെ സ്ഥലം, പച്ചപ്പ്, എന്നിവയുടെ പരിരക്ഷക്ക്  പ്രത്യേക ശ്രദ്ധ കേന്ദ്രീകരിക്കുന്നുണ്ട്. ക്ഷേത്രത്തിന് ചുറ്റുമുള്ള തുറസ്സായ സ്ഥലം 3000 ചതുരശ്ര അടിയിൽ നിന്ന് ഏകദേശം 1,00,000 ചതുരശ്ര അടിയായി വർദ്ധിപ്പിക്കും കൂടാതെ പ്രവേശന ഇടനാഴിയുടെ ശരാശരി വീതിയും 10 അടി മുതൽ 30 അടി വരെ വർദ്ധിപ്പിക്കും.  എല്ലാ വർഷവും ഭക്തരുടെ വൻ തിരക്ക് അനുഭവപ്പെടുന്ന അംബുബാച്ചി മേള സമയത്ത് ക്ഷേത്രത്തിൽ  ഉൾകൊള്ളാവുന്ന ആളുകളുടെ എണ്ണം വർദ്ധിപ്പിക്കാൻ ഈ പരിഷ്കാരം സഹായിക്കും.

അതിനിടെ, കാശി വിശ്വനാഥ് ധാം, ശ്രീ മഹാകാൽ മഹാലോക് ഇടനാഴി എന്നിവ പോലെ മാ കാമാഖ്യ ഇടനാഴി ഒരു സുപ്രധാന സംരംഭമാകുമെന്ന് പ്രധാനമന്ത്രി നരേന്ദ്ര മോദിയും പ്രത്യാശ പ്രകടിപ്പിച്ചു. ഒരു നല്ല നേതാവ് എന്ത് പ്രവൃത്തി ചെയ്താലും, സാധാരണ ജനങ്ങൾ പിന്തുടരുന്നു, മാതൃകാപരമായ പ്രവർത്തനങ്ങളിലൂടെ ആ നേതാവ്  സ്ഥാപിക്കുന്ന മാനദണ്ഡങ്ങൾ ലോകം തന്നെ  പിന്തുടരുന്നു. അതുകൊണ്ടാണ് ഇന്ത്യയുടെ ഏറ്റവും സ്വാധീനമുള്ള നേതാവ് ശ്രീമാൻ നരേന്ദ്ര മോദിജി കാമാഖ്യയിലെ മാ ശക്തിയുടെ വിഷയങ്ങളിൽ എങ്ങനെ ചിന്തിക്കുന്നു, സംസാരിക്കുന്നു, പ്രവർത്തിക്കുന്നു എന്നത് നിർണായകമാണ്.

Partha Pratim Mazumder

Assistant Teacher of Mahendra Narayan Choudhary Balika Bidyapith,

Dist : Nalbari State : Assam 781341
Phone : 9706630579
[email protected]