ചെറിയൊരു ഇടവേളയ്ക്ക് ശേഷം വിദ്യാബാലൻ വീണ്ടും വെള്ളിത്തിരയിലേക്ക് തിരിച്ചുവരുന്നു. ‘നീയത്’ എന്ന ചിത്രത്തിൽ ഡിറ്റക്റ്റീവായാണ് വിദ്യാ ബാലൻ എത്തുന്നത്. ചിത്രത്തിന്റെ റിലീസ് പ്രഖ്യാപിച്ചതാണ് ഇപ്പോൾ പുറത്തുവരുന്ന ഏറ്റവും പുതിയ വാർത്ത. ജൂലൈ ഏഴിനാണ് ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്.
സംവിധായിക അനു മേനോന്റെ സംവിധാനത്തിലൊരുങ്ങുന്ന ചിത്രമാണ് നീയത്. ഒരു ഡിറ്റക്ടീവായിട്ടാണ് ചിത്രത്തിൽ വിദ്യാ ബാലൻ വേഷമിടുന്നത്. രാം കപൂർ, രാഹുൽ ബോസേ, മിത വസിഷ്ഠ്, നീരജ കബി, ഷഹാന ഗോസ്വാമി, അമൃത പുരി, ശശാങ്ക് അറോറ, പ്രജക്ത കോലി, ഡാനേഷ് റസ്വി എന്നിവരും ചിത്രത്തിൽ പ്രധാന വേഷത്തിലെത്തുന്നു.
വിദ്യാ ബാലൻ പ്രധാന വേഷത്തിലെത്തിയ ‘ജൽസ’ എന്ന ചിത്രമാണ് ഏറ്റവും ഒടുവിൽ റിലീസ് ചെയ്തത്. സുരേഷ് ത്രിവേണിയാണ് ചിത്രത്തിന്റെ സംവിധാനം. വിദ്യാ ബാലന് പുറമേ ചിത്രത്തിൽ ഷെഫാലി ഷാ, മാനവ് കൗൾ, ഇഖ്ബാൽ ഖാൻ, ഷഫീൻ പട്ടേൽ, സൂര്യ കസിഭാട്ല തുടങ്ങിയവും ‘ജൽസ’യിൽ അഭിനയിച്ചിരുന്നു. ആമസോൺ പ്രൈം വീഡിയോയിലൂടെയാണ് ‘ജൽസ’പ്രേക്ഷകരിലേക്ക് എത്തിയത്.
