തിരുവനന്തപുരം: ഗായത്രീസാധനാ ശിബിരയജ്ഞത്തിന് ശേഷം വേദപഠന ക്ലാസ് ആരംഭിക്കാനൊരുങ്ങി ഗായത്രി ഗുരുകുലം. വേദപഠന ക്ലാസ് നയിക്കുന്നത് ഗായത്രി ഗുരുകുലം സ്ഥാപക ആചാര്യനും, വേദ പണ്ഡിതനും, അഥർവ്വവേദ ആചാര്യനുമായ അരുൺ പ്രഭാകരൻ ആണ്.
മെയ് 21-ന് കേരള ക്ഷേത്ര സംരക്ഷണ സമിതിയുടെ കീഴിലുള്ള ശാസ്തമംഗലം ഇടപ്പഴനി ശ്രീ ബാലസുബ്രഹ്മണ്യ സ്വാമി ക്ഷേത്ര ആഡിറ്റോറിയത്തിൽ വെച്ചാണ് വേദപഠന ക്ലാസ് ആരംഭിയ്ക്കുക. കൃത്യമായ സിലബസ് പ്രകാരമായിരിക്കും ക്ലാസുകൾ നടക്കുന്നത്. മാസത്തിൽ രണ്ട് ക്ലാസുകളായിരിക്കും ഉണ്ടായിരിക്കുന്നത്.
സനാതന ധർമ്മത്തിന്റെ അടിസ്ഥാന പ്രമാണമെന്നാൽ വേദങ്ങളാണ്. ഈ വേദങ്ങളെ ആചാര്യ മുഖത്ത് നിന്നും പഠിയ്ക്കാൻ കഴിയുന്നത് തന്നെ സുകൃതമാണ്. വേദമന്ത്രങ്ങളെ സ്വരിച്ച് ചൊല്ലാനും, മന്ത്രാർത്ഥങ്ങളെ വിശദമായ അർത്ഥവ്യാഖ്യാനത്തോടെ പഠിയ്ക്കുവാനും, വൈദികമായ ആചാര അനുഷ്ഠാനങ്ങളെ കൃത്യമായി മനസിലാക്കി പഠിക്കാനും ഈ ക്ലാസിലൂടെ കഴിയുന്നു. ഈ ക്ലാസിൽ ചേരാൻ താൽപ്പര്യമുള്ളവർ താഴെ കാണുന്ന നമ്പറിൽ ബന്ധപ്പെടാവുന്നതാണ്.
സുരേഷ്-91 8921370133
ഗണേഷ്-91 7736601135
സന്തോഷ്-91 9447388175
രാജീവ് കുമാർ-91 9847775476
