ബോക്സോഫീസിൽ 80 കോടി കളക്ഷൻ നേടി ‘ദി കേരളാ സ്റ്റോറി’. അനുഗ്രഹീതമായ നിമിഷമെന്ന് പ്രതികരിച്ച സംവിധായകൻ സുദീപ്തോ സെൻ, കേരളാ സ്റ്റോറിയുടെ നേട്ടം കൂടുതൽ ഉത്തരവാദിത്വമേകുന്നുവെന്ന് അഭിപ്രായപ്പെട്ടു.
More than 6000,000 people have seen this film so far in India.
A new chapter begins today. THE KERALA STORY is releasing more than 40-countries together…
More and more numbers are going to get added. More and more blessings, love and adulation will overwhelm us. We shall feel… pic.twitter.com/LGFaDju2qA— Sudipto SEN (@sudiptoSENtlm) May 12, 2023
റിലീസ് ചെയ്ത് ഏഴ് ദിവസം കൊണ്ടാണ് ചിത്രം 81 കോടി കളക്ഷൻ നേടിയത്. മെയ് എട്ട് മുതൽ പശ്ചിമ ബംഗാളിൽ സിനിമ നിരോധനം നേരിട്ടിരുന്നു. അതേസമയം ഉത്തർപ്രദേശ്, ഹരിയാന, മദ്ധ്യപ്രദേശ് എന്നീ സംസ്ഥാനങ്ങളിൽ സിനിമ നികുതി രഹിതമായി പ്രദർശിപ്പിക്കാൻ അതത് സംസ്ഥാന സർക്കാരുകൾ തീരുമാനിക്കുകയും ചെയ്തു.
ഇന്ത്യയിലാകെ 60 ലക്ഷത്തോളം പേർ സിനിമ കണ്ടിട്ടുണ്ടെന്നാണ് ചിത്രത്തിന്റെ അണിയറ പ്രവർത്തകർ നൽകുന്ന കണക്കുകളിൽ പറയുന്നത്. ഇന്ന് മുതൽ 37 വിദേശരാജ്യങ്ങളിൽ കൂടി കേരളാ സ്റ്റോറി പ്രദർശിപ്പിക്കുമെന്ന് സംവിധായകൻ അറിയിച്ചിരുന്നു. കേരളത്തിൽ നിന്നുള്ള യുവതികളെ പ്രണയത്തിൽ കുടുക്കി ഇസ്ലാമിലേക്ക് മതപരിവർത്തനം ചെയ്യുന്നതും പിന്നീടിവർ ഭീകരസംഘടനയായ ഐഎസ്ഐഎസിലെത്തുന്നതുമാണ് സിനിമയിൽ ചിത്രീകരിച്ചിരിക്കുന്നത്. സിനിമയ്ക്ക് കേരളാ സ്റ്റോറി എന്ന പേരിട്ടതിനെതിരെ ഒരു വിഭാഗമാളുകൾ രംഗത്തെത്തുകയും ചെയ്തിരുന്നു.
