ലോകം മാതൃദിനം ആചരിക്കുന്ന ദിനമാണ് ഇന്ന്. അമ്മമാരുടെ പിന്തുണയ്ക്കും ത്യാഗത്തിനും നന്ദി പ്രകടിപ്പിക്കുകയെന്നതാണ് മാതൃദിനത്തിലൂടെ ലക്ഷ്യം വെയ്ക്കുന്നത്. നിരവധി പേരാണ് മാതൃദിനാശംസകൾ നേരുന്നത്.
മാതൃദിനാശംസകൾ നേർന്ന് കൊണ്ട് പ്രമുഖ വ്യവസായി ആനന്ദ് മഹീന്ദ്ര പങ്കുവെച്ച ട്വീറ്റാണ് വൈറലാകുന്നത്. മാതാവ് ഇന്ദിര മഹീന്ദ്ര, മഹീന്ദ്ര യുജിൻ സ്റ്റീലിന്റെ വാർഷിക ഷെയർഹോൾഡേഴ്സ് മീറ്റിംഗിൽ ആദ്യമായി കൊണ്ടുപോയ ചിത്രമാണ് ആനന്ദ മഹീന്ദ്ര ട്വിറ്ററിൽ പങ്കുവെച്ചത്. എല്ലാ വർഷവും മാതൃദിനത്തിൽ അമ്മയുടെ പഴയ ചിത്രങ്ങൾ തിരഞ്ഞ് പോകാറുണ്ടെന്നും അതിൽ ഏറ്റവും മനോഹരമായി ചിത്രമാണ് ഇതെന്നുമാണ് അദ്ദേഹം കുറിച്ചത്.തനിക്ക് നൽകിയ ഈ കോച്ചിംഗിന് നന്ദി, മാതൃദിനാശംസകൾ എന്നാണ് അമ്മയ്ക്കൊപ്പമുള്ള ചിത്രം പങ്കുവെച്ച് സമൂഹമാദ്ധ്യമത്തിൽ കുറിച്ചത്.
Every year on #MothersDay I go fishing for old pics of my mother…Here’s one blast from the past, when she took me for the first time to the Annual Shareholders’ Meeting of Mahindra Ugine Steel which my father was chairing. Thank you for the coaching, Ma. Happy #MothersDay… pic.twitter.com/ejmBRvtF4Q
— anand mahindra (@anandmahindra) May 14, 2023
നിരവധി പേരാണ് പോസ്റ്റിന് കമന്റുമായെത്തിയത്. നിങ്ങളുടെ മാതാവാണ് നിങ്ങളെ ശക്തനും കരുത്തുള്ളവനുമാക്കിയത്. ആ അനുഗ്രഹം എന്നേക്കും അങ്ങേയേക്ക് ഉണ്ടായിരിക്കട്ടെയെന്നാണ് ഒരാൾ കുറിച്ചത്. ലോകത്തിലെ മനോഹരിയായ സ്ത്രീയെ പരിചയപ്പെടുത്തിയതിന് നന്ദി എന്നാണ് മറ്റൊരാൾ കുറിച്ചത്.
അമ്മയോടുള്ള സ്നേഹവും ആദരവും ഒരു ദിവസത്തേക്ക് മാത്രം ഒതുക്കി വെയ്ക്കേണ്ടതാണോ എന്ന ചോദ്യം ഉയർന്നേക്കാം. തിരക്കുപിടിച്ച ജീവിതത്തിനിടയിൽ അമ്മയെന്ന പുണ്യത്തെ കൂടുതൽ ഓർക്കാനൊരു ദിവസമായി ഇന്നത്തെ ദിനത്തെ കരുതാം. 1905-ൽ അമ്മ മരിച്ചതിനെ തുടർന്ന് അന്ന റീവെസ് ജാർവിസ് എന്ന സ്ത്രീയാണ് മാതൃദിനം എന്ന ആശയത്തിന് തുടക്കമിട്ടത്. 1908-ൽ ഇത് ഫലം കണ്ടു. തുടർന്നാണ് മെയ് മാസത്തിലെ രണ്ടാം ഞായർ മാതൃദിനമായി ആചരിച്ച് തുടങ്ങിയത്.
Comments