ഉർവശി പ്രധാന കഥാപാത്രമായെത്തുന്ന പുതിയ ചിത്രം ‘ചാൾസ് എന്റർപ്രൈസ്’ ന്റെ ട്രെയിലർ പുറത്ത്. നവാഗത സംവിധായകനായ സുഭാഷ് ലളിത സുബ്രഹ്‌മണ്യനാണ് ചിത്രം സംവിധാനം ചെയ്യുന്നത്. ചിത്രത്തിന്റെ ട്രെയിലർ അണിയറപ്രവർത്തകർ പുറത്തുവിട്ടു.
മെയ് 19-നാണ് ചിത്രം തിയേറ്ററുകളിൽ എത്തുന്നത്. സംവിധായകനായ പാ രഞ്ജിത്തിന്റെ സിനിമകളിലൂടെ ശ്രദ്ധേയനായ കലൈയരസൻ ആദ്യമായി മലയാളത്തിൽ അഭിനയിക്കുന്ന ചിത്രം എന്ന പ്രത്യേകതയും ‘ചാൾസ് എന്റർപ്രൈസസി’നുണ്ട്. ബാലു വർഗീസ്, ഗുരു സോമസുന്ദരം, അഭിജ ശിവകല, സുജിത് ശങ്കർ, അൻസൽ പള്ളുരുത്തി, സുധീർ പറവൂർ, മണികണ്ഠൻ ആചാരി, മാസ്റ്റർ വസിഷ്ട്ട്, ഭാനു, മൃദുല, ഗീതി സംഗീതി, സിജി പ്രദീപ്, അജിഷ, ആനന്ദ്ബാൽ എന്നിവരും ചിത്രത്തിൽ പ്രധാന വേഷത്തിലെത്തുന്നു.
ജോയ് മൂവി പ്രൊഡക്ഷൻസിന്റെ ബാനറിലാണ് ചിത്രമൊരുങ്ങുന്നത്. അൻവർ അലി, ഇമ്പാച്ചി, നാച്ചി, സംഗീത ചേനംപുല്ലി എന്നിവരാണ് ചിത്രത്തിന്റെ ഗാനരചന. സുബ്രഹ്‌മണ്യൻ കെ വി. കലാസംവിധാനം മനു ജഗദ് എന്നിവരാണ് ചിത്രത്തിന്റെ സംഗീതം നിർവഹിക്കുന്നത്. സ്വരൂപ് ഫിലിപ്പാണ് ചിത്രത്തിന്റെ ഛായാഗ്രാഹണം.
