സ്വന്തം നിലപാടുകളിലൂടെയും പാട്ടുകളിലൂടെയും ആരാധകരുടെ മനസിൽ ഇടം നേടിയ താരമാണ് അഭയ ഹിരണ്‍മയി. വ്യക്തി ജീവിതത്തിലെ പ്രതിസന്ധികൾ അതിജീവിച്ചെത്തിയ അഭയ ഇപ്പോൾ സംഗീതപരിപാടികളുമായി തിരക്കുകളിൽ നിറഞ്ഞിരിക്കുകയാണ്. വ്യക്തി ജീവിതത്തിൽ നിരവധി പ്രതിസന്ധികൾ ഏറ്റു വാങ്ങേണ്ടി വന്ന അവസരത്തിലും അഭയ പരാതിയോ പരിഭവമോ ഒന്നും പറഞ്ഞിരുന്നില്ല. ഇടക്ക് വച്ച് ജീവിതത്തിൽ താങ്ങായി തണലായി നിന്ന അച്ഛനും അഭയ്‌ക്ക് നഷ്ടമായി. ഇപ്പോഴിതാ അച്ഛന്റെ ഓർമ്മകളിൽ അഭയ പങ്കിട്ട വാക്കുകൾ ആണ് വൈറലായി മാറുന്നത്.
‘സംഭവബഹുലമായ 2 വർഷം. നഷ്ടങ്ങളുടെയും വേദനകളുടെയും കണക്കെടുപ്പിൽ ഏതാണ് മികച്ച നഷ്ടം എന്ന് മനസിലാക്കാൻ വലിയ കഷ്ടപ്പാടൊന്നും ഉണ്ടായില്ല. ഇപ്പോൾ അച്ഛനെക്കുറിച്ചു സംസാരിക്കുമ്പോൾ കണ്ണുകൾ നിറയുന്നില്ല എന്ന വളർച്ചയിലേക്ക് എത്തിയിട്ടുണ്ട് ..ചിലപ്പോൾ ഇതു മരണം വരെയുള്ള വേദനയായതുകൊണ്ടാകാം…പൊരുത്തപെട്ടിട്ടുണ്ട്.
നിങ്ങളുടെ മകളെ കുറിച്ച് നിങ്ങൾക്ക് ഒരു കാര്യം ഉറപ്പിക്കാം..ഒരിക്കലും തളർന്നു ഇരുന്നിട്ടില്ല ഇരുന്നപ്പോഴൊക്കെ ഇരട്ട കരളോടെ ഉയർന്നു വരാൻ ശ്രമിച്ചിട്ടേ ഉള്ളു. നിങ്ങളുടെ മകൾ അവളുടെ മഹത്തായ യാത്ര ആരംഭിച്ചു, അവൾ ഒരു വജ്രം പോലെ തിളങ്ങാൻ തുടങ്ങിയിരിക്കുന്നു…നിങ്ങൾ എപ്പോഴും എന്നെക്കുറിച്ച് സ്വപ്നം കണ്ടതുപോലെ ഞാൻ എത്തും. അതിൽ നിങ്ങൾക്ക് അഭിമാനിക്കാം അച്ഛാ. അധികം വൈകാതെ. പറയാൻ ആകാത്ത അത്രയും ഞാൻ നിങ്ങളെ സ്നേഹിക്കുന്നു.’- എന്നായിരുന്നു അഭയ കുറിച്ചത്.
