മഹാഭാരതം സിനിമയാക്കുകയാണ് തന്റെ ജീവിത ലക്ഷ്യമെന്ന് സംവിധായകൻ എസ്എസ് രാജമൗലി. പത്ത് ഭാഗങ്ങളിലായിരിക്കും ചിത്രം നിർമ്മിക്കുക. ചിത്രത്തിനായി രാജ്യത്ത് ലഭ്യമായ മഹാഭാരതത്തിന്റെ എല്ലാ പതിപ്പുകളും സമഗ്രമായി പഠിക്കാൻ തന്നെ ഒരു വർഷത്തോളമെടുക്കുമെന്നും അദ്ദേഹം പറഞ്ഞു.
256 എപ്പിസോഡുകൾ നീണ്ട മഹാഭാരതത്തിന്റെ ടെലിവിഷൻ പതിപ്പിനെ വെള്ളിത്തിരയിലെത്തിക്കണമെന്ന സ്വപ്ന പദ്ധതി ഉടൻ നിറവേറ്റുമോയെന്ന ചോദ്യത്തിന് ഉത്തരം നൽകിയ വേളയിലാണ് തന്റെ സ്വപ്ന പദ്ധതിയായ ബ്രഹ്മാണ്ഡ ചിത്രത്തെ കുറിച്ച് അദ്ദേഹം പറഞ്ഞത്. താൻ ഇത് വരെ ചെയ്ത ചിത്രങ്ങളെല്ലാം മഹാഭാരതം പോലെ വലിയ മാർജിനിൽ തയ്യാറാക്കേണ്ട ചിത്രത്തിന്റെ പരമ്പര എങ്ങനെ തയ്യറാക്കണം എന്നതിന്റെ മുന്നൊരുക്കങ്ങളായിരുന്നു. ഇത് ചെയ്ത ചിത്രങ്ങളെല്ലാം മഹാഭാരതം എങ്ങനെ ചെയ്യാമെന്ന് പഠിപ്പിച്ചവയാണ് എന്ന് അദ്ദേഹം വെളിപ്പെടുത്തി. ചിത്രം യാഥാർത്ഥ്യമാകുന്നതിന് മുൻപ് നടത്തേണ്ട പ്രീ പ്രൊഡക്ഷൻ വർക്കുകളെ കുറിച്ചുള്ള സൂചനയും രാജമൗലി നൽകി.
ചിത്രമൊരുക്കുന്നതിന് മുൻപ് രാജ്യത്ത് പുറത്തിറങ്ങിയിട്ടുള്ള ലഭ്യമായ എല്ലാ മഹാഭാരതത്തിന്റെ പതിപ്പുകളും സമഗ്രമായി പഠിക്കും. ഇതിനായി ഒരു വർഷമെങ്കിലും സമയമെടുക്കും. ഇവയെല്ലാം വായിക്കാൻ ആഗ്രഹിക്കുന്നുണ്ട്. ചിത്രം പത്ത് ഭാഗങ്ങളിൽ എനിക്ക് വേണ്ടി നിർമ്മിക്കാനാണ് ആഗ്രഹിക്കുന്നത്. അതാണ് എന്റെ ജീവിത ലക്ഷ്യം.എന്റെ ഓരോ സിനിമയും അതിലേക്കുള്ള ചവിട്ടുപടിയാണ് രാജമൗലി വ്യക്തമാക്കി.
