അവധിക്കാലം ആഘോഷമാക്കുന്നവരാണ് നാമെല്ലാം. അടിച്ചുപെളിച്ചൊരു യാത്രയും ഉന്മേഷം പകരുന്ന അനുഭൂതിയുമെല്ലാം ആസ്വദിക്കുന്നവരാണ് നമ്മൾ. രണ്ടോ മൂന്നോ ദിവസത്തേ ട്രിപ്പാകും സാധാരണയായി നമ്മൾ പ്ലാൻ ചെയ്യുന്നത്. ഇതുവരെ പരിചയമില്ലാത്ത ഇടത്തെ താമസവും രാത്രിയിലെ ആഘോഷവും മികച്ച അനുഭവങ്ങളാണ് എല്ലാവർക്കും നൽകുന്നത്.
അത്തരത്തിൽ ആഘോഷമാക്കാൻ അവസരം നൽകുന്ന ആഡംബര ഹോട്ടലാണ് രാജസ്ഥാനിലെ ജയ്പൂരിലുള്ള രാജ് പാലസ് ഹോട്ടൽ.
നൂറ്റാണ്ടുകൾ പഴക്കമുള്ള കൊട്ടരങ്ങൾക്ക് സമാനമായ രീതിയിലാണ് ഹോട്ടലിന്റെ നിർമ്മാണം. ഏകദേശം 300 വർഷത്തെ പഴക്കമുണ്ട് ഈ പാലസിന്. സ്വർണ ഫർണിച്ചറുകൾ, ആഡംബരമായ സ്വിമ്മിംഗ് പൂൾ, മ്യൂസിയം, പവിലിയൻ സ്യൂട്ട് തുടങ്ങിയവയൊക്കെ ഇവിടുത്തെ മാത്രം പ്രത്യേകയാണ്.
ആഡംബര ഹോട്ടലിലെ ഒരു മുറിയുടെ വില അറിഞ്ഞാൽ ഒരുപക്ഷേ ഞെട്ടും. രാജ് പാലസിൽ ഒരു രാത്രി അന്തിയുറങ്ങുന്നതിന് 29 ലക്ഷം രൂപയാണ് വില!!
നാല് നിലകളിലായി വിശാലമായി കിടക്കുകയാണ് രാജ് പാലസ്. സ്വപ്നങ്ങൾക്കുമപ്പുറമാണ് ഇവിടുത്തെ സൗകര്യങ്ങൾ. നാല് നിലകൾക്ക് പുറമേ സ്വകാര്യ ടെറസും പൂളുമുണ്ട്. നാല് നിലകളുള്ള സ്യൂട്ടിൽ നാല് കിടപ്പുമുറികളാണുള്ളത്.
ഓരോ നിലയിലും ഓരോ ടെറസ് ഗാർഡൻ, പൂജ മുറി, സ്പാ, നീന്തൽക്കുളം, ആഡംബര ഡൈനിംഗ് റൂം, സ്വർണ്ണ ഫർണിച്ചറുകൾ, സ്വകാര്യ മ്യൂസിയം. മാസ്റ്റർ ബെഡ്റൂമിൽ യഥാർത്ഥ സ്വർണ്ണം കൊണ്ട് വരച്ച ചുവരുകളും താക്കൂർ സാഹിബിന്റെ രാജകീയ സിംഹാസനവുമുണ്ട്.
മുറി ബുക്ക് ചെയ്യുന്നതോടെ സ്വകാര്യ ബട്ട്ലറും ഒരു ഡൈനിംഗ് റൂമും ലോകത്തിലെ ഏറ്റവും മികച്ച മദ്യങ്ങളുള്ള ഒരു ആഡംബര ബാറും ലഭിക്കും. 300 വർഷങ്ങൾക്ക് മുൻപ് ജയ്പൂർ രാജാവ് എങ്ങനെ ജീവിച്ചിരുന്നുവെന്ന് ഈ മുറികളിൽ കഴിഞ്ഞാൽ അനുഭവിക്കാൻ കഴിയും.
