സൗരയൂഥത്തിന് പുറത്ത് ഭൂമിയ്ക്ക് സമാനമായ ഗ്രഹം ശാസ്ത്രജ്ഞർ കണ്ടെത്തി. എൽപി 791-18 ഡി എന്ന് പേരിട്ടിരിക്കുന്ന ഈ എക്സോപ്ലാനറ്റ് അഗ്നിപർവ്വതങ്ങളാൽ മൂടപ്പെട്ടിരിക്കുന്നുവെന്നാണ് കണ്ടെത്തൽ. ഇത്തരം ഗ്രഹങ്ങൾക്ക് സ്ഫോടന സാധ്യത ഏറെയാണെന്നാണ് ശാസ്ത്രജ്ഞർ ചൂണ്ടിക്കാട്ടുന്നത്.
ആദ്യമായാണ് ഭൂമിയോട് സമാനമായ ഗ്രഹം സൗരയൂഥത്തിന് പുറത്തുനിന്നും കണ്ടെത്തുന്നതെന്ന പ്രത്യേകതയുമുണ്ട്. സൗരയൂഥത്തിന് പുറത്തും അഗ്നിപർവ്വങ്ങൾ ഉണ്ടെന്നതിന്റെ ഏറ്റവും മികച്ച തെളിവുകൾ കൂടിയാണ് എൽപി 791-18 ഡി നൽകുന്നത്. ചെറിയ ഒരു ചുവന്ന കുള്ളൻ നക്ഷത്രത്തെ ചുറ്റുന്നതാണ് ഈ ഗ്രഹം. ഭൂമിയേക്കാൾ അല്പം കൂടി വലുതുമാണ്.
പ്ലാനറ്റ്-ഹണ്ടിംഗ് ട്രാൻസിറ്റിംഗ് എക്സോപ്ലാനറ്റ് സർവേ സാറ്റലൈറ്റ് എന്ന നാസയുടെ ഉപഗ്രഹ റിപ്പോർട്ടുകളിൽ നിന്നാണ് പുതിയ ഗ്രഹത്തെ കണ്ടെത്താൻ കഴിഞ്ഞത്.എക്സോപ്ലാനറ്റിന്റെ കണ്ടെത്തലിനെക്കുറിച്ചുള്ള പഠനം നേച്ചർ ജേണലിൽ വിശദമായി നൽകിയിട്ടുണ്ട്.
Comments