മലയാള സിനിമ രംഗത്ത് മികച്ച ആക്ഷൻ ചിത്രങ്ങൾ സംവിധാനം ചെയ്ത് ആരാധകരെ സ്വന്തമാക്കിയ സംവിധായകനാണ് അജയ് വാസുദേവ്. അതുപോലെ തന്നെ മലയാളികളുടെ പ്രിയതാരമാണ് ഉണ്ണിമുകുന്ദൻ. പ്രേക്ഷകരുടെ ചോയിസ് അറിഞ്ഞ് ചിത്രങ്ങൾ സമ്മാനിക്കുന്ന കാര്യത്തിൽ ഇരുവരും ഒരുപടി മുന്നിലാണ്.
ഇപ്പോഴിതാ അജയ് വാസുദേവും ഉണ്ണിമുകുന്ദനും ഒന്നിക്കുകയാണ്. ഉണ്ണിയെ നായകനാക്കി സംവിധാനം ചെയ്യുന്ന പുതിയ ചിത്രത്തിന്റെ ചിത്രീകരണം ഉടൻ ആരംഭിക്കും. ഗോകുലം ഗോപാലനാണ് ചിത്രം നിർമ്മിക്കുന്നത്. ചിത്രത്തിന്റെ ടൈറ്റിൽ ലോഞ്ചിംഗ് ഉടൻ നടക്കും. ഇതാദ്യമായാണ് അജയ് വാസുദേവിന്റെ ചിത്രത്തിൽ ഉണ്ണിമുകുന്ദൻ നായകനാവുന്നത്.
അജയ് വാസുദേവ് സംവിധാനം ചെയ്ത മമ്മൂട്ടി ചിത്രമായ മാസ്റ്റർപീസിൽ പൊലീസ് വേഷത്തിൽ ഉണ്ണി മുകുന്ദൻ എത്തിയിരുന്നു. എന്നാൽ അത് മമ്മൂട്ടിയുടെ പ്രതിനായക വേഷം ആയിരുന്നു. അജയ് സംവിധാനത്തിൽ വന്ന രാജാധിരാജയിൽ ഗാനരംഗത്തിലും പ്രത്യക്ഷപ്പെട്ടിരുന്നു. കുഞ്ചാക്കോ ബോബൻ നായകനായ പകലും പാതിരാവും ആണ് അജയ് വാസുദേവ് സംവിധാനം ചെയ്ത അവസാന ചിത്രം.
Comments