നടി സുസ്മിത സെന്നിന് ഏറെ പ്രത്യേകതയുള്ള ദിനമാണ് മെയ് 21. കാരണം കഴിഞ്ഞ 29 വർഷം മുൻപ് ഇതേ ദിവസമാണ് വിശ്വസുന്ദരി പട്ടം സ്വന്തമാക്കിയത്. ഇതിന്റെ മധുര സ്മരണയിൽ ഇൻസ്റ്റഗ്രാമിൽ പങ്കുവെച്ച ഹൃദയഭേദകമായ കുറിപ്പാണ് സമൂഹമാദ്ധ്യമങ്ങളിൽ പ്രചരിക്കുന്നത്.
ഈ ചിത്രത്തിന് ഇന്ന് 29 വയസായി. 18 വയസുള്ള മനോഹരിയായ എന്നെ പകർത്തിയത് അതിഹാസ ഫോട്ടോഗ്രാഫറായ പ്രബുദ്ധദാസ്ഗുപ്തയാണ്. ഈ ചിത്രമെടുത്തതിന് പിന്നാലെ മിസ് യൂണിവേഴ്സിന്റെ ചിത്രം ആദ്യമായാണ് താനെടുക്കുന്നതെന്നും ഇന്ത്യയുടെ ആദ്യത്തെ വിശ്വസുന്ദരിയെ ക്യാമറക്കണ്ണുകളിൽ പകർത്താൻ കഴിഞ്ഞതിൽ ഏറെ സന്തോഷുണ്ടെന്നുമാണ് സുസ്മിത സെൻ കുറിച്ചത്. വിശ്വസുന്ദരി പട്ടം സ്വന്തമാക്കിയ ചിത്രവും താരം പങ്കുവെച്ചിട്ടുണ്ട്.
ലോകമെമ്പാടുമുള്ള 77 രാജ്യങ്ങളിൽ നിന്നുള്ള മത്സരാർത്ഥികളോട് മത്സരിച്ച് 1994-ലാണ് സുസ്മിതാ സെൻ വിശ്വസുന്ദരി പട്ടം നേടിയത്. ഇതോടെ മിസ് യൂണിവേഴ്സ് പട്ടം നേടുന്ന ആദ്യ ഇന്ത്യൻ വനിതയായി അവർ മാറി. തന്റെ മാതൃരാജ്യത്തെ പ്രതിനിധീകരിക്കുകയും വിജയിക്കാനായതും വിവമതിക്കാനാവത്ത ബഹുമതിയാണ്. അത് ഇന്നും സന്തോഷം നൽകുന്നു. ആ നിമിഷത്തെ കുറിച്ചോർക്കുമ്പോൾ ഇന്നും ആനന്ദാശ്രു പൊഴിയും. ചരിത്രം പിറന്ന ആ ദിനത്തെ ഞാൻ ഇന്നും അഭിമാനത്തോടെ ഓർക്കുന്നു. – സുസ്മിതാ സെൻ കുറിച്ചു.
നിരവധി പേരാണ് പോസ്റ്റിന് കമന്റുമായെത്തിയത്. എപ്പോഴും സന്തോഷവതിയായി ഇരിക്കട്ടെയെന്നും 29 വർഷം മുൻപ് രാജ്യത്തിന്റെ പേര് ചരിത്രത്തിലെഴുതിയ മഹതിയ്ക്ക് ആശംസകൾ അങ്ങനെ നീളുകയാണ് കമന്റുകൾ.
