ഇടുക്കി: പൂപ്പാറയിൽ ഇന്നലെ അപകടത്തിൽപ്പെട്ടത് ചക്കക്കൊമ്പനെന്ന് സംശയമുയർത്തി വനം വകുപ്പ്. ഇടിയുടെ ആഘാതത്തിൽ പരിക്ക് പറ്റിയ ആനയ്‌ക്കായി അന്വേഷണം ആരംഭിച്ചുരിക്കുകയാണ് വനപാലകർ. നല്ല വേഗതയിൽ വന്നകാറാണ് ആനയെ ഇടിച്ചത്. അതുകൊണ്ട് കൊണ്ടുതന്നെ കാലുകൾക്കാകാം പരിക്കുപറ്റിയതെന്നാണ് സംശയം. ഇടുക്കി പൂപ്പാറ ചൂണ്ടലിൽവെച്ചാണ് അപകടം സംഭവിച്ചത്. അതേ സമയം അപകടത്തിൽ പരിക്കേറ്റ നാല് പേരും അപകട നില തരണം ചെയ്തതായി ആശുപത്രി അധികൃതർ അറിയിച്ചു.
അപകടം പറ്റിയ ആനയ്‌ക്കായുള്ള തിരച്ചിൽ ഇന്നലെ രാത്രി മുതൽ തന്നെ ആരംഭിച്ചതായി വനപാലകർ പറഞ്ഞു. അപകടം സ്ഥലത്തിന് സമീപത്തായി മറ്റ് ചില ആനകളെയും കഴിഞ്ഞ ദിവസം കണ്ടെത്തിയിരുന്നു. അതുകൊണ്ട് തന്നെ അപകടം പറ്റിയത് ചക്കക്കൊമ്പനാണോ മറ്റ് ഏതെങ്കിലും ആനയ്‌ക്കാണൊ എന്നും സംശയമുണ്ട്.
എന്നാൽ അപകടം സംഭവിച്ചത് ചക്കക്കൊമ്പന് അല്ലെന്ന് നാട്ടുകാർ പറയുന്നു. കഴിഞ്ഞ ദിവസങ്ങളിൽ ചൂണ്ടൽ ജനവാസകേന്ദ്രങ്ങളിലെത്തിയ ആനകളെ നാട്ടുകാർ തുരത്തി ഓടിച്ചിരുന്നു ഇതോടെ ആയിരുന്നു ആനകൾ റോഡിൽ ഇറങ്ങിയത്.
