ഒരാളും വിളിക്കാറില്ല, വരുമാനവുമില്ല; പ്രൊഡക്ഷൻ കൺട്രോളർമാരാണ് ആഹാരം തന്നത്; അവസാനം ദിലീപ് എന്നെ കണ്ടെത്തി, എനിക്ക് വീടുണ്ടായി: നടി ശാന്തകുമാരി

ഹൃദയ ശസ്ത്രക്രിയ കഴി‍ഞ്ഞ് താൻ കിടപ്പിലാണെന്ന് ചിലർ പ്രചരിപ്പിച്ചുവെന്ന് നടി ശാന്തകുമാരി. സിനിമയിൽ അഭിനയിപ്പിക്കാൻ ആരും വിളിച്ചില്ല എന്നും വർഷങ്ങളോളം തനിക്ക് ഒരു വരുമാനവും ഉണ്ടായിരുന്നില്ല എന്നും ഒരു മാദ്ധ്യമത്തിന് നൽകിയ അഭിമുഖത്തിൽ നടി പറഞ്ഞു. ദിലീപാണ് തന്നെ കണ്ടെത്തി അഭയം തന്നതെന്നും ശാന്തകുമാരി വെളിപ്പെടുത്തി.

‘ഞാൻ ഹൃദയ ശസ്ത്രക്രിയ കഴിഞ്ഞ് കിടക്കുകയാണെന്ന് പറഞ്ഞ് ആരും വിളിക്കാറില്ലായിരുന്നു. എനിക്കിത് അറിയില്ലായിരുന്നു. എന്നെ ആരും വിളിച്ചില്ല. അഞ്ച് വർഷമാണ് ഞാൻ വീട്ടിൽ ഇരുന്നത്. ഒറ്റ ആളും വിളിക്കാറില്ല. ഒരു വരുമാനവുമില്ല’.

‘പല പ്രൊഡക്‌ഷൻ കൺട്രോളർമാരും ആഹാരം കൊണ്ടുവന്നു തരും.13 വർഷം ഞാൻ ഹോസ്റ്റലിൽ ആയിരുന്നു. ഈ 13 വർഷവും ഓരോരുത്തരായി എനിക്ക് ആഹാരം എത്തിച്ചു തന്നു. ഞാൻ എറണാകുളത്തു തന്നെ ഉണ്ടായിരുന്നു. അവസാനം ദിലീപ് എന്നെ കണ്ടെത്തി. അങ്ങനെയാണ് എനിക്ക് വീടുണ്ടാകുന്നത്. ഇപ്പോൾ കുഴപ്പമൊന്നുമില്ല’ ശാന്തകുമാരി പറഞ്ഞു.