പനാജി: ഗോവ എൻവയോൺമെന്റ് ഫിലിം ഫെസ്റ്റിവലിന്റെ ആദ്യ എഡിഷൻ ജൂൺ മൂന്നിന് ആരംഭിക്കും. ഓസ്‌കാർ പുരസ്‌കാരം കരസ്ഥമാക്കിയ ഡോക്യുമെന്ററി ‘ദ എലഫെന്റ് വിസ്പറേഴ്‌സ്’ ആകും പ്രദർശനവേളയിൽ ആദ്യം പ്രദർശിപ്പിക്കുക. മൂന്ന് ദിവസത്തോളം നീണ്ടു നിൽക്കുന്ന ചലച്ചിത്രോത്സവത്തിൽ 50-ൽ അധികം ചിത്രങ്ങൾ പ്രദർശിപ്പിക്കുമെന്ന് സംസ്ഥാന പരിസ്ഥിതി മന്ത്രി നീലേഷ് കാബ്രൽ അറിയിച്ചു.
ബൾഗേറിയ, കാനഡ, ഫിൻലാൻഡ്, അയർലാൻഡ്, ഒമാൻ, പോർച്ചുഗൽ, റഷ്യ, സ്‌പെയിൻ തുടങ്ങിയ രാജ്യങ്ങളിൽ നിന്നും വിവിധ ചിത്രങ്ങൾ പ്രദർശനത്തിനുണ്ടാകും. പരിസ്ഥിതി സംരക്ഷണത്തിന്റെ വിവിധ തലങ്ങൾ ചൂണ്ടിക്കാട്ടുന്ന പ്രമേയമുള്ള ചിത്രങ്ങളാകും പ്രദർശനത്തിനായി ഉണ്ടാകുക.
ഇത്തരമൊരു പ്രദർശന വേള പരിസ്ഥിതി സംരക്ഷണത്തിന്റെ വിവിധ വശങ്ങൾ മനസിലാക്കുന്നതിന് വളരെയധികം സഹായകരമാകും. ചലച്ചിത്രോത്സവത്തിൽ പങ്കെടുത്ത് തിരഞ്ഞെടുത്തിരിക്കുന്ന ചിത്രങ്ങൾ കാണണമെന്ന് വിദ്യാർത്ഥികളോടും പൊതുജനങ്ങളോടും മന്ത്രി നീലേഷ് അഭ്യർത്ഥിച്ചു. ഇതിന് പുറമേ ഗോവയിലെ പ്രാദേശിക ചിത്രങ്ങളും പ്രദർശനത്തിൽ ഉൾപ്പെടുത്തിയിട്ടുണ്ട്.
Comments