പനി, ജലദോഷം തുടങ്ങിയ അസുഖങ്ങൾ വന്നാൽ ഡോക്ടറെ കാണാതെ സ്വയം മരുന്ന് കഴിക്കുന്ന നിരവധിപേരുണ്ട്. ഇങ്ങനെ ചെയ്താൽ ശരീരത്തെ മോശമായി ബാധിക്കും. അത്തരത്തിൽ സ്വയം ചികിത്സ നടത്തിയാലുണ്ടാകുന്ന പ്രത്യാഘാതങ്ങൾ എന്തോക്കെയാണെന്ന് നോക്കാം.
കിഡ്നി ക്ഷതം: മരുന്നുകൾ മാറി കഴിക്കുന്നതും വലിയ രീതിയിൽ കഴിക്കുന്നതും കിഡ്നിയെ ബാധിക്കും. ഇത്തരത്തില്‍ കഴിക്കുന്ന മരുന്നുകള്‍ വൃക്കകളെ നേരിട്ടു ബാധിക്കുന്നു.
മരുന്നുകളുടെ ആശ്രിതത്വം: ഒരു ഡോക്ടറെ സമീപിക്കാതെ നിങ്ങള്‍ പലപ്പോഴും ഗുളികകള്‍ കഴിക്കുന്നത് വഴി നിങ്ങള്‍ അത്തരത്തിലുള്ള മരുന്നുകൾക്ക് അടിമപ്പെട്ടെക്കാം. നിരന്തരമായി ഇത്തരത്തില്‍ മരുന്ന് കഴിക്കുന്നത് ആരോഗ്യത്തിന് യോജിച്ചതല്ല
രോഗപ്രതിരോധ ശേഷി: ആന്റി-ബയോട്ടിക് ഗുളികകളില്‍ വളരെയധികം ഉപയോഗിക്കുന്ന ഒരു വ്യക്തിയുടെ രോഗ പ്രതിരോധ ശേഷി വളരെ അധികം കുറവായിരിക്കും. രോഗപ്രതിരോധ ശേഷി കുറയുന്നത് പല തരത്തിലുള്ള അസുഖങ്ങള്‍ എളുപ്പത്തില്‍ ബാധിക്കാൻ കാരണമാകുന്നുണ്ട്.
കഠിനമായ തലവേദന: സാധാരണയായി തലവേദന ഉണ്ടാകുമ്പോള്‍, അത് മാറാന്‍ നമ്മളില്‍ പലരും ഗുളികകളെ ആശ്രയിക്കാറുണ്ട് എന്നാല്‍ ഡോക്ടര്‍മാര്‍ പറയുന്നത്. തലവേദനയുണ്ടെങ്കില്‍ കാപ്പി കുടിക്കുക. അല്ലെങ്കില്‍ കുറച്ചു നേരം ഉറങ്ങുക. നേരെമറിച്ച് ഗുളികകള്‍ കഴിക്കുന്നത് തലവേദന വർദ്ധിക്കാനാണ് കാരണമാകുന്നത്.
ഹൃദയാഘാത സാധ്യത: അനാവശ്യമായി ഗുളികകള്‍ കഴിക്കുന്നത് ഹൃദയത്തെയും ബാധിക്കാൻ സാധ്യതയുണ്ട്. ഇത്തരക്കാര്‍ക്ക് ഹൃദയാഘാത സാധ്യത കൂടുതലാണ്.
Comments