മലയാളികളുടെ പ്രിയങ്കരിയായ ഗായികയാണ് വൈക്കം വിജയലക്ഷ്മി. ഇതിനോടകം ഒട്ടനവധി പ്രതിസന്ധികളെ അതിജീവിച്ച വൈക്കം വിജയലക്ഷ്മിയുടെ ജീവിതം എല്ലാവർക്കും നല്ലൊരു പ്രചോദനമാണ് മറ്റുള്ളവർക്ക് നൽകുന്നത്. കാഴ്ചകളുടെ ലോകം വിജയലക്ഷ്മിക്ക് അന്യമാണെങ്കിലും സംഗീതം ഉൾവെളിച്ചമാണ്. വേറിട്ട ആലാപന ശൈലി തന്നെയാണ് ഗാനങ്ങളുടെ പ്രത്യേകത. ഇപ്പോഴിതാ ഗായിക തന്റെ ജീവിതത്തിൽ സംഭവിച്ച ദുരവസഥകളെ കുറിച്ച് പറയുകയാണ്.
വിവാഹം ജീവിതത്തിൽ ഒരു വലിയ ചലഞ്ചായിരുന്നു. അതിനുമുൻപ് തന്നെ ബുദ്ധിമുട്ടിച്ച വിഷയങ്ങളൊന്നും ഉണ്ടായിട്ടില്ല. ആ കാര്യങ്ങൽ പറഞ്ഞാൽ വലിയ പ്രശ്നങ്ങൾ ഉണ്ടാകും. അതുകൊണ്ട് തന്നെ അക്കാര്യങ്ങൾ പറയുന്നില്ല. കലയെ മൊത്തമായി നിരുത്സാഹപ്പെടുത്തുന്ന പരിപാടി ആയിരുന്നു അദ്ദേഹം ചെയ്തിരുന്നത്. അച്ഛനേയും അമ്മയേയും എന്നിൽ നിന്നും അകറ്റുന്ന കാര്യങ്ങളൊക്കെയാണ് അദ്ദഹം ചെയ്തത്. കാഴ്ചശക്തി ഇല്ലാത്തതുകൊണ്ടുതന്നെ ജീവിതത്തിൽ വലിയ വെല്ലുവിളികൾ ഉണ്ടായിട്ടുണ്ട്. സംഗീതത്തിലൂടെയും പ്രാർത്ഥനയിലൂടെയും ആണ് പല വെല്ലുവിളികളും നേരിടുന്നത്. അച്ഛനും അമ്മയും സമാധാനിപ്പിക്കും. ഇപ്പോൾ നമ്മൾ എന്തെങ്കിലും ഒക്കെ സാധനങ്ങൾ വാങ്ങുമ്പോൾ എനിക്ക് കാണാൻ ആകില്ലല്ലോ അമ്മയെ ആ വിഷമം കാണിക്കുമ്പോൾ എനിക്ക് സങ്കടം വരാറുണ്ട്. അത് എനിക്ക് തൊട്ടാൽ മനസിലാകുമല്ലോ, കാഴ്ച ഇല്ല എന്നോർത്തിട്ട് എന്റെ കൈയ്യിൽ തരാതെ ഇരിക്കുമ്പോളും എനിക്ക് സങ്കടം വരാറുണ്ട്.
അമേരിക്കയിലെ ചികിത്സയ്ക്ക് ശേഷം വെളിച്ചം കാണാൻ സാധിക്കുന്നുണ്ട്. കാഴ്ച ഉള്ളവരോട് പെരുമാറും പോലെ എന്നോട് ആളുകൾ പെരുമാറുന്നുണ്ടോ എന്ന് എനിക്ക് സംശയമാണ്. ഞാൻ ആരാണ് പറയാമോ എന്നൊക്കെ തൊട്ട് നോക്കിയിട്ട് പരീക്ഷിക്കുന്ന പോലെ പറയുന്നത് ഒന്നും എനിക്ക് ഇഷ്ടമല്ല എന്നായിരുന്നു വിജയലക്ഷ്മിയുടെ വാക്കുകൾ.
