ക്രിക്കറ്റ് താരം ഋതുരാജ് ഗെയ്്ക്വാദ് വിവാഹിതനായി. ചെന്നൈ സൂപ്പർ കിംഗ്സ് ഐപിഎൽ കിരീട വിജയത്തിന് പിന്നാലെയാണ് പുതിയ സന്തോഷ വാർത്ത. വനിതാ ക്രിക്കറ്റ് താരം ഉത്കർഷ പവാറാണ് വധു. ദീർഘനാളത്തെ പ്രണയത്തിനൊടുവിലാണ് ഇരുവരും വിവാഹിതരായത്. മഹാരാഷ്ട്രയിലെ മഹാബലേശ്വറിൽ വച്ചായിരുന്നു വിവാഹം
മഹാരാഷ്ട്രാ വനിതാ ക്രിക്കറ്റ് ടീമിലെ താരമാണ് ഉത്കർഷ. വിവാഹ ചിത്രങ്ങൾ ഋതുരാജ് തന്നെയാണ് ഇൻസ്റ്റഗ്രാമിലൂടെ ആരാധകർക്കായി പങ്കുവെച്ചത്. തികച്ചും ലളിതമായിരുന്ന ചടങ്ങിൽ ഇരുവരുടെയും ബന്ധുക്കളും അടുത്ത സുഹൃത്തുക്കളും സഹപ്രവർത്തകരും മാത്രമാണ് പങ്കെടുത്തത്.
ചെന്നൈ സൂപ്പർ കിങ്സിൽ ഋതുരാജിന്റെ സഹതാരങ്ങളായ ശിവം ദുബെ, പ്രശാന്ത് സോളങ്കി തുടങ്ങിയവർ വിവാഹത്തിന് പങ്കെടുത്തു. ഇവരെ കൂടാതെ രാജസ്ഥാൻ റോയൽസ് താരം ദേവ്ദത്ത് പടിക്കൽ, രജത് പാട്ടിദാർ തുടങ്ങിയവരും പങ്കെടുത്തു.
