മഹാഭാരത്തിലെ ശകുനിയായെത്തിയ നടൻ ഗൂഫി പേന്തൽ അന്തരിച്ചു

പ്രശസ്തനായ നടൻ ഗൂഫി പേന്തൽ(79) അന്തരിച്ചു. വാർദ്ധക്യ സഹജമായ ആരോഗ്യപ്രശ്‌നങ്ങളെ തുടർന്ന് മുംബൈയിലായിരുന്നു അന്ത്യം. മഹാഭാരതം എന്ന ടെലിവിഷൻ പരിപാടിയിലെ ശകുനിയുടെ വേഷത്തിലൂടെയാണ് നടൻ പ്രേക്ഷക ശ്രദ്ധനേടിയത്. ഹൃദയസ്തംഭനത്തെ തുടർന്ന് ഇന്ന് രാവിലെ 9 മണിയോടെയായിരുന്നു മരണം. മരണവിവരം നടന്റെ കുടുംബാംഗങ്ങൾ തന്നെയാണ് പുറത്തുവുട്ടത്. ഏറെ നാളായി അസുഖബാധിതനായിരുന്നു, ആരോഗ്യനില വഷളായതിനെ തുടർന്ന് മേയ് 31-ന് ആശുപത്രിയിൽ പ്രവേശിപ്പിച്ചിരുന്നു.

ഏതാനും ടിവി ഷോകളും ശ്രീ ചൈതന്യ മഹാപ്രഭു എന്ന സിനിമയും സംവിധാനം ചെയ്തിട്ടുണ്ട്. ബിആർ ഫിലിംസിനൊപ്പം, അസോസിയേറ്റ് ഡയറക്ടർ, കാസ്റ്റിംഗ് ഡയറക്ടർ, പ്രൊഡക്ഷൻ ഡിസൈനർ എന്നീ നിലകളിലും അദ്ദേഹം പ്രവർത്തിച്ചിട്ടുണ്ട്.