തെന്നിന്ത്യൻ സിനിമ ലോകത്തെയാകെ ദുഃഖത്തിലാഴ്ത്തിയായിരുന്നു നടൻ ചിരഞ്ജീവി സർജയുടെ വിയോഗം. ഹൃദയാഘാതത്തെ തുടർന്ന് 2020-ലായിരകുന്നു ചീരഞ്ജീവി മരിക്കുന്നത്. താരത്തിന്റെ മരണ സമയത്ത് മേഘ്ന ഗർഭിണിയായിരുന്നു. ആരാധകരെ ആകെ സങ്കടത്തിലാഴ്ത്തിയ വിയോഗമായിരുന്നു നടന്റേത്. ഇപ്പോഴിതാ താരത്തിന്റെ മൂന്നാം ചരമവാർഷിക ദിനത്തിൽ വികാരഭരിതമായ കുറിപ്പുമായി എത്തിയിരിക്കുകയാണ് ഭാര്യയും നടിയുമായ മേഘ്ന രാജ്.
‘എന്റെ ഇന്നലെ, ഇന്ന്, എന്നന്നേയ്ക്കും’ എന്ന കുറിപ്പോടെയാണ് ചിരഞ്ജീവിയ്ക്കൊപ്പമുള്ള ചിത്രം സമൂഹമാദ്ധ്യമങ്ങളിൽ മേഘ്ന പങ്കുവെച്ചത്. ആരാധകർ ‘ചീരു’ എന്ന് വിളിക്കുന്ന ചിരഞ്ജിവിയുടെ വിയോഗശേഷം ഒറ്റപ്പെട്ട മേഘ്നയ്ക്ക് ആരാധകരുടെ സ്നേഹവും സാന്ത്വനവുമാണ് കരുത്തേകുന്നത്. വിവാഹ ശേഷം അഭിനയം നിർത്തിയ താരം മകൻ ജനിച്ചതിന് ശേഷമാണ് വീണ്ടും വെള്ളിത്തിരയിൽ സജീവമാകുന്നത്.
മകന്റെ ജനനത്തിന് ശേഷമാണ് മേഘ്ന സോഷ്യൽ മീഡിയയിലും കൂടുതൽ സജീവമാകുന്നത്. തന്റെയും മകന്റെയും വിശേഷങ്ങളും ചിരഞ്ജീവിയെക്കുറിച്ചുള്ള ഓർമകളും ആരാധകരുമായി മേഘ്ന പങ്കുവെയ്ക്കാറുണ്ട്. റിയാലിറ്റി ഷോയുടെ വിധികർത്താവായും താരം എത്തിയിരുന്നു. ഇപ്പോൾ സിനിമാരംഗത്തും താരം സജീവമാണ്. ഈ വർഷം മേഘ്ന അഭിനയിച്ച രണ്ട് സിനിമകളാണ് റിലീസിനായി ഒരുങ്ങുന്നത്.
