ചായക്കൊപ്പം ചൂടോടെ കൊറിക്കാൻ ഒരു സോയ ചങ്ക്‌സ് ഫ്രൈ ആയാലോ

വളരെ എളുപ്പത്തിൽ നോൺവെജിന്റെ രുചിയിൽ ഉണ്ടാക്കാവുന്ന വിഭവമാണ് സോയ. കറിയായും സ്‌നാക്കായും ഉപയോഗിക്കാവുന്ന ഒരു ഒരു വിഭവം ഒരു സോയ ചങ്ക്‌സ് വിഭവം പരിചയപ്പെടാം. ഒരു സിമ്പിൾ സോയ ചങ്ക്‌സ് ഫ്രൈ. വറുത്തെടുത്ത സോയ ചങ്ക്‌സ് ചപ്പാത്തിക്കും ചോറിനുമൊപ്പം സൂപ്പർ രുചിയാണ്. ഉണ്ടാക്കുന്ന രീതി ഇങ്ങനെ;

ചേരുവകൾ

1.സോയ ചങ്ക്സ്
2. ഇഞ്ചി, വെളുത്തുള്ളി, പച്ചമുളക് അരച്ചത്
3. മഞ്ഞൾപ്പൊടി
4. കാശ്മീരി മുളക് പൊടി
5. ഗരം മസാല
6. കുരുമുളക് പൊടി
7. മല്ലിപ്പൊടി
8. കോൺഫ്‌ലോർ
9. മൈദ
10. പെരുംജീരകം
11.കറിവേപ്പിലയും പച്ചമുളകും ആവശ്യത്തിന്
12. നാരങ്ങാ നീര്
13. ഉപ്പ് – ആവശ്യത്തിന്
14. എണ്ണ – വറുക്കാൻ ആവശ്യത്തിന്

സോയ ചങ്ക്സിലേക്ക് കുറച്ചു ചൂടു വെള്ളം ഒഴിച്ച് 15 മിനിറ്റ് വയ്‌ക്കുക. ശേഷം നന്നായി വെള്ളം ഊറ്റി കളഞ്ഞു എടുക്കുക. വലിയ സോയ ചങ്ക്സ് ആണെങ്കിൽ ഒന്ന് ചെറുതാക്കാം. അതിലേക്കു ആവശ്യത്തിന് ഉപ്പ്, 2 മുതൽ 10 വരെ ഉള്ള ചേരുവകൾ ഇട്ട് നന്നായി ഇളക്കി യോജിപ്പിക്കുക. കൈ കൊണ്ടു നന്നായി ഇളക്കി മസാല സോയ ചങ്ക്സിൽ പിടിപ്പിക്കുക. അതിലേക്കു നാരങ്ങാ നീര് കൂടി ഇട്ടു ഇളക്കുക. വറുക്കാൻ ആവശ്യമായ എണ്ണ ചൂടാക്കുക. അതിലേക്കു കുറേശ്ശേ ഇട്ടു കൊടുത്തു മീഡിയം തീയിൽ ബ്രൗൺ കളർ ആകുന്നതു വരെ വറുത്തെടുക്കുക. അതിലേക്കു അവസാനം കുറച്ചു കറിവേപ്പിലയും പച്ചമുളകും കൂടി വറത്തു കോരി മുകളിൽ ഇട്ടു സെർവ് ചെയ്യാം.