സമൂഹമാദ്ധ്യമങ്ങളിൽ നിന്ന് ഇടവേളയെടുക്കുന്നുവെന്ന് പ്രഖ്യാപിച്ച് ബോളിവുഡ് നടി കജോൾ. ഇൻസ്റ്റഗ്രാമിൽ നിന്ന് എല്ലാ പോസ്റ്റുകളും നീക്കം ചെയ്തതിന് ശേഷമായിരുന്നു ഇടവേള എടുക്കുന്നുവെന്ന് വെളിപ്പെടുത്തിയത്. ‘ജീവിതത്തിൽ ഏറ്റവും വലിയ പരീക്ഷണം നേരിടുന്നു. ഒരിടവേള അനിവാര്യമാണ്’ എന്നാണ് അവസാനമായി താരം സമൂഹമാദ്ധ്യമങ്ങളിൽ കുറിച്ചത്.
നിരവധി പേരാണ് ഇതിന് പിന്നിലെ കാരണം തിരക്കി കമന്റുകളുമായെത്തിയത്. എല്ലാം ശരിയാകുമെന്ന ശുഭപ്രതീക്ഷയും ആരാധകർ നൽകുന്നുണ്ട്. സുരക്ഷിതയായി ഇരിക്കാനും സമയം എല്ലാം ശരിയാകുമെന്നും പ്രതീക്ഷ കൈവിടരുത് എന്നിങ്ങനെ നീളുകയാണ് കമന്റുകൾ.
രേവതി സംവിധാനം ചെയ്ത ‘സലാം വെങ്കി’യിലാണ് കജോൾ അവസാനമായി അഭിനയിച്ചത്. നെറ്റ്ഫ്ളിക്സ് ചിത്രം ‘ലസ്റ്റ് സ്റ്റോറി’ രണ്ടാം ഭാഗത്തിലും കജോൾ ആണ് പ്രധാനവേഷത്തിലെത്തുന്നത്. ചിത്രം ജൂൺ 29-ന് പ്രേക്ഷകരിലേക്കെത്തും.
Comments