മകളുടെ പേര് വെളിപ്പെടുത്തി ആകാശ് അംബാനിയും ഭാര്യ ശ്ലോക മെഹ്തയും. മെയ് 31-നായിരുന്നു ദമ്പതികൾക്ക് രണ്ടാമത്തെ കുഞ്ഞ് പിറന്നത്. മകൾക്ക് വേദ ആകാശ് അംബാനി എന്നാണ് പേര് നൽകിയതെന്ന് ഇരുവരും അറിയിച്ചു. അറിവ് അഥവാ ജ്ഞാനം എന്നർത്ഥം വരുന്ന സംസ്കൃത പദമായ വേദം എന്ന വാക്കിനെയാണ് വേദ എന്ന പേര് സൂചിപ്പിക്കുന്നത്.
ശതകോടീശ്വരനായ മുകേഷ് അംബാനിയുടെ മൂത്ത മകനാണ് ആകാശ് അംബാനി. 2020 ഡിസംബറിലാണ് ആകാശിനും ശ്ലോകയ്ക്കും ആദ്യ കുഞ്ഞ് ജനിക്കുന്നത്. പൃഥ്വി ആകാശ് അംബാനിയെന്നാണ് മകന് പേരിട്ടത്. കഴിഞ്ഞ ഏപ്രിലിൽ നിത മുകേഷ് അംബാനിയുടെ കൾച്ചറൽ സെന്ററിന്റെ ഉദ്ഘാടന വേളയിൽ ശ്ലോക മെഹ്ത വീണ്ടും ഗർഭിണിയാണെന്ന വിവരം പൊതുജനങ്ങളെ അറിയിക്കുകയായിരുന്നു. ആകാശും മെഹ്തയും 2019-ലായിരുന്നു വിവാഹിതരായത്. പ്രണയ വിവാഹമായിരുന്നു. വജ്ര വ്യാപാരി റസൽ മെഹ്തയുടെ മകളാണ് ശ്ലോക മെഹ്ത.
Comments