ന്യൂഡൽഹി : നിരോധിത സംഘടനയായ പോപ്പുലർ ഫ്രണ്ടിന്റെ മുതിർന്ന പ്രവർത്തകനെ ഇഡി അറസ്റ്റ് ചെയ്തു . സിംഗപ്പൂരിൽ നിന്ന് ഇന്ത്യയിലേക്ക് നാടുകടത്തപ്പെട്ട ഷാബുൽ ഹമീദിനെയാണ് എൻഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തത്. മധുരയിൽ വിമാനമിറങ്ങിയതിന് പിന്നാലെ ഹമീദിനെ ഇഡി പിടികൂടുകയായിരുന്നു.
ഷാഹുൽ ഹമീദ് സിംഗപ്പൂരിൽ നിന്നും മറ്റ് സ്ഥലങ്ങളിൽ നിന്നും നിയമപരമായും നിയമവിരുദ്ധമായും ഫണ്ട് സംഘടിപ്പിക്കുന്നുണ്ടായിരുന്നുവെന്ന് അന്വേഷണ ഏജൻസി പറഞ്ഞു.ഷാഹുൽ ഹമീദിനെക്കുറിച്ച് എന്തെങ്കിലും വിവരം നൽകുന്നവർക്ക് മേയിൽ ദേശീയ അന്വേഷണ ഏജൻസി പാരിതോഷികമായി 3 ലക്ഷം രൂപ പ്രഖ്യാപിച്ചിരുന്നു. ഡൽഹി കോടതിയിൽ ഹാജരാക്കിയ ഇയാളെ 10 ദിവസത്തേക്ക് കസ്റ്റഡിയിൽ വിട്ടു.
