മനുഷ്യജീവൻ നിലനിർത്തുന്നതിൽ സുപ്രധാന പങ്ക് വഹിക്കുന്ന അവയവങ്ങളിൽ ഒന്നാണ് ശ്വാസകോശം. അന്തരീക്ഷ മലിനീകരണം ഏറ്റവുമധികം ബാധിക്കുന്നതും ശ്വാസകോശത്തെ തന്നെയാണ്. അനാരോഗ്യകരമായ ജീവിത ശൈലി മൂലം നിരവധി രോഗങ്ങളാണ് നാം ക്ഷണിച്ചുവരുത്താറുള്ളത് എന്നതിനാൽ ശ്വാസകോശത്തെ പരിപാലിക്കാൻ എന്തെല്ലാം ആഹാര പദാർത്ഥങ്ങൾ സഹായിക്കുമെന്ന് നോക്കാം.
ഗ്രീൻ ടീ: ആന്റി ഓക്‌സിഡന്റുകൾ ധാരാളം അടങ്ങിയിരിക്കുന്ന ഒന്നാണ് ഗ്രീൻ ടീ. അതിനാൽ ഇത് ശ്വാസകോശത്തെ ആരോഗ്യത്തോടെ പരിപാലിക്കാൻ സഹായിക്കുന്നു.
ബെറീസ് ഉൾപ്പെടുത്തിയ ഓട്‌സ്: ആന്റി ഓക്‌സിഡന്റുകളുടെ കലവറയാണ് വിവിധ തരത്തിലുള്ള ബെറീസ്. ബ്ലൂബെറീസ്, റാസ്പബെറീസ്, ബ്ലാക്ക്‌ബെറീസ് എന്നിവ ചേർത്ത് തയ്യാറാക്കിയ ഓട്‌സ് കഴിക്കുന്നത് ശ്വാസകോശം ആരോഗ്യത്തോടെയിരിക്കാൻ സഹായിക്കും.
ബീറ്റ്‌റൂട്ട്: രക്തക്കുഴലുകൾക്ക് ആയാസം നൽകാൻ ബീറ്റ്‌റൂട്ടിലെ ഘടകങ്ങൾ സഹായിക്കുന്നു. കൂടുതൽ ഓക്‌സിജൻ സ്വീകരിക്കുന്നതിനും ഗുണം ചെയ്യും. ജ്യൂസ് അടിച്ചോ കറിവച്ചോ ബീറ്റ്‌റൂട്ട് കഴിക്കാവുന്നതാണ്.
ഗ്രീൻ വെജിറ്റബിൾസ്: ചീര, ബ്രോക്കോലി എന്നിങ്ങനെയുള്ള ഗ്രീൻ വെജിറ്റബിൾസ് ആരോഗ്യപരിപാലനത്തിന് വളരെ മികച്ചതാണ്. ഇവയിലടങ്ങിയിരിക്കുന്ന ആന്റി ഓക്‌സിഡന്റുകളാണ് ഇതിന് കാരണം. ഇത് ശ്വാസകോശത്തെ വൃത്തിയായി സൂക്ഷിക്കാനും സഹായിക്കും.
ഇളംചൂടുള്ള നാരങ്ങാവെള്ളം: ശരീരത്തിൽ ജലാംശം നിലനിർത്താനും നിർജ്ജലീകരണം തടയാനും ഇളം ചൂടുള്ള ചെറുനാരങ്ങാ വെള്ളം സഹായിക്കും. ശരീരത്തിനകത്തേക്ക് പ്രവേശിച്ചിരിക്കുന്ന ജൈവിക വിഷം പുറന്തള്ളാനും ശ്വാസകോശത്തെ ശുചിയാക്കി നിലനിർത്താനും നാരങ്ങാവെള്ളം ഗുണം ചെയ്യുന്നു.
