മലയാളസിനിമയ്ക്ക് ഒട്ടനവധി മെഗാമാസ്സ് സിനിമകൾ സമ്മാനിച്ച സംവിധായകൻ ഷാജി കൈലാസിന്റെ മകൻ ജഗൻ ഷാജി കൈലാസ് സംവിധായകനാകുന്നു. യുവതാരം സിജു വിൽസനാണ് ജഗന്റെ ആദ്യ സിനിമയിലെ നായകൻ. സിനിമയുടെ ചിത്രീകരണം കഴിഞ്ഞ ദിവസം പാലക്കാട് ആരംഭിച്ചു. ചിത്രത്തിൽ പോലീസ് വേഷത്തിലാണ് സിജു വിൽസൻ എത്തുക. ചിത്രത്തിൽ രൺജി പണിക്കരും ഒരു മുഴുനീള കഥാപാത്രമായി എത്തുന്നുണ്ട്.
ഇൻവസ്റ്റിഗേഷൻ ത്രില്ലർ ജോണറിലാണ് ചിത്രം ഒരുങ്ങുന്നത്. ഉദ്വേഗഭരിതമായി സഞ്ചരിക്കുന്ന ഈ സിനിമയുടെ തിരക്കഥ എസ് സഞ്ജീവ് രചിച്ചിരിക്കുന്നു. ഗോപി സുന്ദറിന്റെതാണ് സംഗീതം. രൺജി പണിക്കർ, ഷാജി കൈലാസ്, നിഥിൻ രൺജി പണിക്കർ എന്നിവർക്കൊപ്പം പ്രവർത്തിച്ച പരിചയസമ്പത്തുമായാണ് ജഗൻ തന്റെ ആദ്യ ചിത്രത്തിന് തുടക്കം കുറിക്കുന്നത്. പിതാവ് ഷാജി കൈലാസിനൊപ്പം കാവൽ, കടുവ എന്നീ ചിത്രങ്ങളിൽ ജഗൻ പ്രവർത്തിച്ചിട്ടുണ്ട്.
യുവനടി അഹാനാ കൃഷ്ണകുമാറിനെ പ്രധാന കഥാപാത്രമാക്കി ‘കരി’ എന്ന മ്യൂസിക്കൽ ആൽബം ജഗൻ സംവിധാനം ചെയ്തിട്ടുണ്ട്.
