സ്ഥിരമായി കണ്ണട ഉപയോഗിക്കുന്നവർക്ക് മുഖത്ത് പാടുകൾ വരുന്നതിനുള്ള സാധ്യത ഏറെയാണ്. മുഖത്തിന്റെ ഭംഗി നഷ്ടപ്പെടുന്നതിന് വരെ ഈ പാടുകൾ കാരണമാകാറുണ്ട്.. മൂക്കിന്റെ ഇരുവശത്ത് കണ്ണട ഇറുകിയും ഉരസിയുമാണ് ഈ നിറവ്യത്യാസം ഉണ്ടാകുന്നത്. കണ്ണിനും മൂക്കിന്റെ ഇരു വശങ്ങളിലുമായി കാണപ്പെടുന്ന ഈ പാട് മാറ്റിയെടുക്കാനുള്ള ചി്ല വഴികൾ നോക്കാം.
ആദ്യം ഉപയോഗിക്കേണ്ട ഒന്നാണ് സൺ സ്ക്രീൻ. മുഖത്ത് പാടുകള് വരാതിരിക്കാനും സണ്സ്ക്രീന് ഉപയോഗപ്രദമാണ്. മുഖത്ത് ചുളിവുകള് വീഴാതിക്കാനും സ്കിന് കാന്സര് വരാതിരിക്കാനും സണ്സ്ക്രീന് ഉപയോഗിക്കാവുന്നതാണ്. സൂര്യപ്രകാശത്തില് നിന്നുള്ള അള്ട്രാവയ്ലറ്റ് രശ്മികളില് നിന്നും സംരക്ഷണം നല്കുന്നതിനൊപ്പം ചര്മ്മത്തില് മെലാനിന്റെ അളവ് കൂട്ടുന്നതിനും സൺ സ്ക്രീൻ സഹായിക്കും.
കണ്ണട ഉപയോഗിച്ചുള്ള പാട് വരാതിരിക്കാന് ഏറ്റവും നല്ല മാര്ഗ്ഗമാണ് കോണ്ടാക്ട് ലെന്സ് ഉപയോഗിക്കുക എന്നത്. അതുമല്ലെങ്കിൽ ഇപ്പോൾ, പാട് വരാത്ത രീതിയിലുള്ള കണ്ണടകളും ലഭ്യമാണ്. അവയും ഉപയോഗിക്കാവുന്നതാണ്.
കോണ്ടാക്ട് ലെന്സ് ഉപയോഗിക്കുമ്പോൾ ചില കാര്യങ്ങൾ ശ്രദ്ധിക്കേണ്ടതുണ്ട്. നല്ല വൃത്തിയില് കൈകാര്യം ചെയ്യേണ്ടതാണിത്. ഉറങ്ങുമ്പോൾ കോൺടാക്ട് ലെൻസ് ഉപയോഗിക്കുന്നത് തീർത്തും അപകടകരമാണ്. അതിനാൽ കോൺടാക്ട് ലെൻസ് പതിവായി ഉപയോഗിക്കുമ്പോൾ കൂടുതൽ ജാഗ്രത സ്വീകരിക്കേണ്ടതുണ്ട്.
ചര്മ്മത്തെ ഹൈഡ്രേറ്റഡ് ആക്കി നിലനിര്ത്താന് സെറാമൈഡ് അടങ്ങിയ മോയ്സ്ച്വറൈസര് ഉപയോഗിക്കുന്നത് നല്ലതാണ്. ഇത് ചര്മ്മത്തില് കറുത്ത പാടുകള് വരാതിരിക്കാനും ചര്മ്മത്തെ സംരക്ഷിക്കുന്നതിനും സഹായിക്കും. അതിനാല് കണ്ണട ഉപയോഗിക്കുന്നവര് തങ്ങള് ഉപയോഗിക്കുന്ന മോയ്സ്ച്വറൈസറില് സെറാമൈഡ് അടങ്ങിയതാണോ എന്ന് ഉറപ്പ് വരുത്തേണ്ടതാണ്.
ചിലര്ക്ക് നല്ലരീതിയില് തന്നെ പിഗ്മെന്റേഷന് ഉണ്ടാകാം. ഇതിന് ഡോക്ടറെ കണ്ട് ചികിത്സ തേടുന്നതായിരിക്കും നല്ലത്. സ്വയം ചികിത്സ അപകടങ്ങൾ ക്ഷണിച്ചുവരുത്തുമെന്നതിനാൽ ആരോഗ്യവിദഗ്ധരുടെ അഭിപ്രായങ്ങൾ സ്വീകരിക്കുക.
