തെന്നിന്ത്യൻ നടി രശ്മിക മന്ദാനയിൽ നിന്ന് താരത്തിന്റെ മാനേജർ വൻ തുക തട്ടിയെടുത്തതായി റിപ്പോർട്ട്. നടിയിൽ നിന്ന് ഏകദേശം 80 ലക്ഷം രൂപയോളം ആണ് തട്ടിയെടുത്തത്. രശ്മികയുടെ കരിയർ തുടങ്ങിയ സമയം മുതൽ കൂടെയുള്ള മാനേജരാണ് തട്ടിപ്പ് നടത്തിയതെന്നാണ് വിവരം.
തട്ടിപ്പ് നടത്തിയെന്ന് മനസ്സിലാക്കിയ ഉടൻ രശ്മിക ഇയാളെ പുറത്താക്കിയെന്നാണ് വിവരം. എന്നാൽ സംഭവത്തിൽ ഇതുവരെ രശ്മിക പ്രതികരിച്ചിട്ടില്ല.
സംഭവത്തിൽ കൂടുതൽ ആരോപണങ്ങൾക്കും പ്രശനങ്ങൾക്കും താൽപര്യമില്ലെന്നും നടി രശ്മിക പ്രതികരിച്ചു. ബോളിവുഡിലും തന്റെ സജീവ സാനിദ്ധ്യം അറിയിച്ചിരക്കുകയാണ് രശ്മിക. ഗീതാഗോവിന്ദം, ഡിയർ , പുഷ്പ തുടങ്ങിയ ചിത്രങ്ങളിൽ പ്രാധാന്യമുള്ള വേഷങ്ങളാണ് രശ്മിക അവതരിപ്പിച്ചത്. നിലവിൽ വലിയൊരു ആരാധക വൃത്തം തന്നെ രശ്മികയ്ക്കുണ്ട്.
ബോളിവുഡ് സ്പൈ ത്രില്ലർ മിഷൻ മജ്നുവാണു രശ്മികയുടെ ഏറ്റവുമൊടുവിലായി പുറത്തിറങ്ങിയ ചിത്രം. അല്ലു അർജുൻ നായകനായ പുഷ്പ 2, രൺബീർ കപൂർ നായകനാകുന്ന ആനിമൽ എന്നീ ചിത്രങ്ങളാണ് രശ്മികയുടേതായി റിലീസ് ചെയ്യാനുള്ള ചിത്രങ്ങൾ.
Comments